Gosewe laba 1:22 - O Debleskro Drom 2021 (Sinte)

²² Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

O Debleskro Lab 2024 (Sinte-Manouche)

²² T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Gosewe laba 1:22 Referans Kwoze

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Gosewe laba 1:29

Jon kaman o tchatchepen gar te djinell, un gar o baro Debleha te djiwell.

Debleskri gili 1:1

Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.

Debleskro tsiro 22:17

O Debleskro Ducho un o terno bakreskri pirni penenna: “Ab!” Un koon kowa shunell, penella: “Ab!” Un kones trush hi, kowa wella! Koon kamell, kowa lell tchitcheske o pani, hoi o djipen dell.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

Johanni 3:20

Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna.

Louka 19:42

un penas: “Bachtelo wans tumer, te djinans tumer kau diwes, koon anell tumenge o Debleskri bacht! Tumer han korelo. Tumer dikenn les gar.

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

Gosewe laba 21:11

Te lell i pre-phurdo peskri phagi, wenn ninna kolla gosewo, kolen tchi an o shero hi. Te aneh i goseweske tchomone pashel, djinell lo budeder.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Mateo 17:17

Koi penas o Jesus: “Tumer tchilatche menshe, tumen hi kek patsepen! Har rah hunte atchap pash tumende? Har rah marap man tumentsa tele? Anenn les pash mande!”

Gosewe laba 19:29

Pral kol pre-phurden, kai pral halauter sanenn, well i phagi win rakedo; un dawa ap o dumo lell o dinelo.

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Gosewe laba 14:6

I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Gosewe laba 7:7

Ap o drom dikom bud terne murshen, un mank lende jek, koles tchi an o shero hi.

Gosewe laba 6:9

Tu tchi-moldo, kai kameh gar te budrell, har rah kameh gomme tchiddo te atchell? Kaana kameh tu pre te stell?

Gosewe laba 3:34

Kolla, kai praassenn i wawaren, kolen praassell lo ninna. Kolla, kai krenn pen gar bares, ap kolende dikell lo latches.

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Gosewe laba 1:4

Jaake wenn ninna kolla gosewo, kolen tchi an o shero hi. Un terne mursha haiwenn, hoi hunte krenn le, un dikenn dren, hoi mishto hi.

Debleskri gili 94:8

Denn jak, tumer dinele mank i menshende, tumer narwele, kamenn gar gosewo te well?

Hiob 34:7

Koon hi sawo mursh har o Hiob, kai rikrell pes gar pale te praassell lo i wawaren? Kowa hi leske har te pijals lo pani.

4. Mose 14:27

“Har rah tchingrenn kol tchilatche menshe ap mande? Me shunom, har kol Israelitarja djungeles pral mande rakran.

2. Mose 16:28

Kote rakras o baro Dewel ap o Moseste: “Har rah krenn tumer kowa gar, hoi me tumenge penau, un djiwenn gar jaake, har me tumenge penom?

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

Gosewe laba 1:21

Joi mukell pes glan i bare wudja an o foro te shunell, un kote, kai bud menshe khetne wenn:

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Gosewe laba 21:24

Ko baro-mujeskro, kai dikell tele ap i wawarende, well pre-phurdo kharedo. Job patsell, te nai krell lo lauter un kek les pale rikrell.

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Jeremia 13:27

Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?