Filiparja 3:1 - O Debleskro Drom 2021 (Sinte)

¹ Mire phrala, awenn bachtelo, kai tumer ap o rajeste, o Jesuseste, patsenn! Me wau gar khino, te tchinap tumenge pale te pale ko emligo koowa, te wenn tumer soreles an o dji.

O Debleskro Lab 2024 (Sinte-Manouche)

¹ Mire phrala, avenn barhtelo, kay t'mer ap o rayeste, o Yezouseste, patsenn! Me vau gar khino, te činap t'menge pale te pale ko emligo koova, te venn t'mer zoreles an o dji.

Filiparja 3:1 Referans Kwoze

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

Remarja 5:11

Un kowa hi gar lauter. Mer ham jaake bachtelo, te was o Dewel maro Dewel. Maro rai, o Jesus Kristo, anas men leha khetne.

Jakobo 1:2

Mire phrala, te well pharo koowa ap tumende, palle dikenn koi pre, har te well kowa i bacht tumenge.

1. Petro 4:13

Te wenn duka ap tumende, djinenn: sawe duka wan ninna ap o Jesus Kristeste. Doleske awenn bachtelo! Ap ko diwes, kai leskro railepen diklo wella, giwenna un bashrenna tumare djia i bachtjatar.

1. Tessalonikarja 5:16

Awenn bachtelo hako tsiro!

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

2. Petro 3:1

Latche phrala un phenja, kawa hi o duito liil, hoi me tumenge tchinau. Kalla lila tchinau, te wenn tumer gar khino an tumaro patsepen. Ma bistrenn,

Efesarja 6:10

Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

Louka 1:47

Un miro dji dell gole i bachtjatar pral mo Debleste. Job hi ap miri rig.

Zakarie 10:7

Un i mursha dran o kheer Efrajim hi palle sorelo har bare kurepangre, un bachtelo har kolla, kai pijan mool. Lengre tchawe dikenn kowa un denn gole i bachtjatar. Lengro dji giwell dran kowa, hoi o baro Dewel kras.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Zefanja 3:14

Awenn bachteles, tumer Israelitarja! Denn gole i bachtjatar, tumer ap i berga Zion! Giwenn un khelenn o tselo djijestar, tumer an o foro Jerusalem!

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Hiob 22:26

Palle hal bachtelo pral o sorelo Debleste. Un tu hadeh tiro shero pre pash leste.

1. Familjakro liil 29:22

Un jon chan un pijan ap ko diwes glan o baro Debleste. Un o duito kopo kharan le win, kai o Davideskro tchawo, o Salomo, o baro rai hi. Un jon tchoran djet ap leskro shero, te well job o baro Debleske koi. Ninna tchoran le djet ap o shero o murshestar Zadok, te well job o rashai.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Mateo 5:12

Giwenn un denn gole i bachtjatar ap ko diwes! O Dewel dell tumen i baro brawlepen an o bolepen. Jaake har jon tumen palla lenna, jaake lan le o Debleskre rakepangren an o phuro tsiro ninna palla.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Debleskri gili 149:2

Tu Israel, tiro dji mu bashrell pral koleste, kai kras tut. Tumer menshe dran Zion, giwenn i bachtjatar pral tumaro baro rajeste.

Debleskri gili 97:1

O baro Dewel hi o baro rai! Doleske te giwell i phub un sal! Ninna kol bud panjengre themma te wenn le bachtelo!

Debleskri gili 42:4

I wawar penenn ap mande hako diwes: “Kai hi tiro Dewel?” Doleske rowau o tselo diwes un haki rati; mire swa wan miro pipen.

Debleskri gili 5:11

Tchip lengri doosh ap lengre shere, mo Dewel! Muk len te perell an pengre netse, hoi jon i wawarenge kran! Trade len tutar krik! Bud kope kran le o tchilatchepen. Pral tute hadan le pen.

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

1. Familjakro liil 16:10

Sharenn koles, koon kokres o tchatcho Dewel hi! Awenn bachteles pral leste, tumer, kai rodenn o baro Debles!

1. Familjakro liil 15:28

Jaake anan i tsele Israelitarja o mochton o baro Debleskre deesh labentsa pral an Jerusalem. Jon dan gole i bachtjatar, giwan un bashran ap phurdepangre, dorjengre bashepangre un wawar bashepangre.

1. Samuel 2:1

Un i Hanna parkras pes pash o Debleste un penas: Miro dji hi bachtelo an o baro Debleste. Job hadas man pre un kras man soreles. Kanna nai sau pral kolende, kai man tiknes kran. Tu, miro Dewel, wal ap miri rig. Doleske hom bachtelo.

5. Mose 12:18

Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

1. Tessalonikarja 4:1

Mire phrala, mer sikram tumende, har te djiwenn tumaro djipen jaake, te well o Dewel bachtelo pral tumende. Un kowa krenn tumer. Kanna mangah tumen jaake har maro rai, o Jesus, mangals tumendar: Krenn kowa gomme budeder un feteder!

Jesaja 65:14

An ko tsiro, kai denn tumer gole darjatar, un rowenn dran i phagedo dji, hi mire budepangre jaake bachtelo, te giwenn le i bachtjatar.

Debleskri gili 33:1

Tumer, kai an o tchatchepen tardo han, denn gole i bachtjatar pral kowa, hoi o baro Dewel krell. Hi mishto, te sharenn les, tumer, kai tumaro tselo djijeha ap leste shunenn!