Filiparja 1:8 - O Debleskro Drom 2021 (Sinte)

⁸ O Dewel djinella: Miro dji hi pash tumende. O Jesus Kristo das man i baro kamlepen tumenge.

O Debleskro Lab 2024 (Sinte-Manouche)

⁸ O Devel djinella: Miro dji hi pash t'mende. O Yezous Kristo das man i baro kamlepen t'menge.

Filiparja 1:8 Referans Kwoze

Filiparja 4:1

Mire kamle phrala, me kamau o tselo djijestar pash tumende te well. Tumer han miri bacht un miro railepen. Doleske atchenn soreles pash maro rajeste, o Jesuseste!

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

2. Timoteo 1:4

Me bistrau nai gar, har tu glan mande rowal, un dikau tut jaake glan mande. Doleske kamau me tut o tselo djijeha pale te dikell, te wap bachtelo.

1. Tessalonikarja 2:8

Tumer hans an mare djia, un doleske sikram tumende gar kokres o Debleskro drom, na-a, mer djiwam ninna tumentsa khetne; jaake baro his maro kamlepen tumenge.

Remarja 9:1

Glan o Jesus Kristeste penau tumenge: Kowa, hoi tumenge kanna penau, hi o tchatchepen un kek chochepen. Ninna o Debleskro Ducho an miro dji penell mange kowa.

Filemon 1:12

Koles bitchrau tuke pale. Un miro dji djal leha.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Kolossarja 2:1

Me kamau, te djinenn tumer, har me marau man tele tumenge un kol patslenge an o foro Laodicea, ninna kolenge, kai prindjrenn man gar.

Galatarja 4:19

Mire phrala! Me kamau tumen o djijestar, har te wans mire tchawe. Jaake har i djuwjat duka hi, te lell li i ternepen, jaake hi man pale duka tumenge, bis te well o Jesus Kristo diklo an tumende.

Galatarja 1:20

O Dewel djinella, kai kawa lauter tchatcho hi, hoi me tumenge tchinau. Me chochau gar.

2. Korintarja 7:15

Kanna hi leskro kamlepen gomme bareder tumenge. Job dikas tumari traash har tumer les pre lan, ninna dikas lo, kai kran tumer lauter, hoi me tumenge penom.

2. Korintarja 6:12

Maro kamlepen tumenge hi gar tikno. Tumaro kamlepen menge was tikno.

Louka 1:78

Maro Debles hi i baro dji menge. Leskro kamlepen well pash mende. Kowa hi har o kham, hoi djal pre ap o bolepen,

Jesaja 63:15

Dik dran o bolepen tele, un dik tele dran tiro railo kheer! Kai hi tiro kamlepen, hoi menge chatchell? Kai hi tiri soor? Hi tut buder kek dji un kek latchepen menge?

Jesaja 16:11

Doleske rowell miro dji pral i menshende an o them Moab. Lauter an mande trissell o foreske Kir-Heres.

1. Johanni 3:17

Te hi jek brawelo, un dikell, kai peskro phrales gar doha djipaske hi, un job dell les tchi, jaake nai atchell gar o Debleskro kamlepen an leste.

Filemon 1:20

Awa, miro phraal! Kre man bachteles, un kre kowa, hoi me tutar mangom! Kre kowa maro rajeske, o Jesus Kristeske, ap koleste mer dui patsah. Jaake kreh tu miro dji soreles an leste!

1. Tessalonikarja 2:5

Tumer djinenna, mer rakram tumenge gar pal o mui. Witar gar penam o Debleskro lab, te las lowe i menshendar. O Dewel djinella, me penau o tchatchepen.

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

Filiparja 2:26

Tumer shunan, kai job nasselo was. Har job shunas, kai tumer djinenn kowa, rowas leskro dji, un job kamas pash tumende te well.

Filiparja 2:1

Me djinau, tumer rakrenn i menshenge o Jesuseskre laba an o dji. Tumare laba wenna dran o kamlepen, un krenn lengre djia soreles. O Debleskro Ducho rikrell tumen khetne, un tumen hi i baro dji i wawarenge.

2. Korintarja 13:9

Ninna te ham mer gar sorelo, ham bachtelo, te han tumer sorelo. Mer kamah, te wenn tumer an o tchatchepen glan o Debleste tardo, un kowa mangah lestar.

Hiob 16:19

Ninna kanna hi jek an o bolepen, kai stell mange pre un well ap miri rig. Kowa, kai mange mishto rakrell, hi an o pralstunepen.

Galatarja 3:26

Dran tumaro patsepen ap o Jesus Kristeste han lauter Debleskre tchawe.