Filiparja 1:6 - O Debleskro Drom 2021 (Sinte)

⁶ Doleske djinau: O Dewel kras i latchi budi an tumende. Un job krell ninna, te atchenn pash leste, te wenn latches glan leste tardo ap ko diwes, kai well o Jesus Kristo pale.

O Debleskro Lab 2024 (Sinte-Manouche)

⁶ Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Filiparja 1:6 Referans Kwoze

Filiparja 2:13

Job sikrell tumen, hoi job kamella. Ninna krell lo an tumende, te kamenn tumer kowa, hoi job kamella, un te nai krenn kowa ninna.

Efesarja 4:12

Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

Debleskri gili 138:8

Baro Dewel, tu leh miro koowa an tiro wast. Baro Dewel, tiro latchepen atchella hako tsireske. Ma muk kowa, hoi lal an tiro wast!

1. Korintarja 1:8

Job dell tumen i soor, te atchenn an o patsepen, bis te well lo pale. Un kek nai anell i doosh ap tumende ap ko diwes.

2. Tessalonikarja 1:11

O Dewel rodas tumen win, te djiwenn pash leste. Doleske mangah lestar hako tsiro, te djiwenn tumer kanna jaake ap kai phub, har job kowa peskre tchawendar kamella. Ninna mangah lestar, te dell lo tumen i soor, te nai krenn o latcho koowa, hoi kamenn te krenn dran tumaro patsepen.

Hebrearja 10:35

Doleske penau tumenge: Ma witsrenn tumaro patsepen tumendar! Tumer djinenn, hawi bacht lell kowa, kai ap o Debleste rikrella.

Johanni 6:29

Penas o Jesus ap lende: “O Dewel kamella, te patsenn ap koleste, kai job bitchras.”

Filiparja 1:10

Jaake nai dikenn, hoi mishto un tchatcho hi. Un ap ko diwes, kai well o Jesus Kristo pale, han tumer an o tchatchepen glan leste tardo, un kek doosh hi ap tumende.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

1. Tessalonikarja 1:3

Hako tsiro, kai parkrah men pash leste, well menge kowa an o shero, hoi tumer leske krenna an o patsepen un an o kamlepen ap i menshende, un har tumer mukenn gar tele, te dikenn ap ko diwes, kai well maro rai, o Jesus Kristo, pale.

Filemon 1:21

Me djinau, te shuneh ap mande un kreh ninna budeder har me tutar mangom. Doleske tchinom tuke kau liil.

Filiparja 1:29

O Dewel hi tumenge latcho, un das tumen o patsepen ap o Jesus Kristeste, un gar o patsepen kokres. Na-a, dran o patsepen ap leste, hunte lenn tumer ninna duka ap tumende.

2. Tessalonikarja 3:4

Job hi maro un tumaro rai. Doleske djinah, tumer krenn, hoi mer tumenge penah, kanna un an ko tsiro, hoi glan mende hi.

Kolossarja 2:12

Har wan tumer taufedo, was tumaro phuro djipen paskedo. Un jaake wan tumer o Jesus Kristeha paskedo. Har tumer ap leste patsan, kras o Dewel tumen djido, jaake har job o Jesus Kristes i mulendar djido kras.

2. Korintarja 7:16

Me hom bachtelo, te krenn tumer lauter, hoi me tumenge penom.

Bičepangre 11:18

Har jon kowa shunan, tchingran le buder gar ap o Petreste. Jon sharan o Debles un penan: “O Dewel sikras ninna kolende peskro drom an o newo djipen, kai hi kek bibolde. Jon nai mukenn pengro tchilatcho drom un wenn ap o Debleskro drom.”

Bičepangre 16:14

Koi his i djuwel, kai mangas kote o Debles an. Joi his i bikepaskretsa un bikras ripja dran lolo than. Koja kharas Lydia. Joi his dran o foro Tiatira. Kolake kras o rai Jesus o dji pre. Un joi shunas, hoi o Paulo penas, un was patslo.

Galatarja 5:10

Me prindjrau tumen mishto un patsau, kai shunenn ap mande, un o Jesus Kristo anell tumen pale ap o tchatcho drom. Kowa, kai anas tumen o tchatcho dromestar tele, kowa lell peskri phagi. Hi jek, koon job ninna hi.

2. Petro 3:10

Kek djinell o diwes, kai maro rai Jesus pale wella. Ko diwes wella jaake har i dre-phagepaskro wella. Palle djal o bolepen krik bari goljah. I bolepangre momlia chatchrenna krik. Ninna i phub un ko tselo koowa, hoi ap i phub hi, chatchrella pre.

2. Korintarja 9:4

Palle, ap ko diwes, kai wenn kolla dran o them Macedonia mantsa khetne pash tumende, hatsenn le lauter jaake har penom. Te hatsans le kowa gar jaake, hawi ladj wals kowa mange un tumenge ninna!

2. Korintarja 2:3

Doleske tchinom tumenge ko liil. Kamom gar, te rowap pral kolende, kai man bachteles hunte krans. Un me patsau soreles, te han tumer bachtele pral kowa, te nai krenna tumer man bachtelo.

2. Korintarja 1:15

Kowa patsau soreles. Dran kowa his an miro dji, te wap dui kope pash tumende, te anap tumenge dui kope o Debleskro latchepen.

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

Filiparja 2:16

te rikrenn tumer ap o Debleskro latcho lab, hoi o djipen della. Te krenn tumer kowa lauter, palle hom me bachtelo ap ko diwes, kai o Jesus Kristo pale wella. Jaake his miri budi pash tumende gar tchitcheske.