Filiparja 1:10 - O Debleskro Drom 2021 (Sinte)

¹⁰ Jaake nai dikenn, hoi mishto un tchatcho hi. Un ap ko diwes, kai well o Jesus Kristo pale, han tumer an o tchatchepen glan leste tardo, un kek doosh hi ap tumende.

O Debleskro Lab 2024 (Sinte-Manouche)

¹⁰ Yaake nay dikenn, hoy mishto oun čačo hi. Oun ap ko dives, kay vell o Yezous Kristo pale, han t'mer an o čačepen glan leste tardo, oun kek doosh hi ap t'mende.

Filiparja 1:10 Referans Kwoze

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

1. Tessalonikarja 3:13

Palle wenn tumare djia sorelo un djudjo. Un o Dewel, maro dad, hatsell kek doosh ap tumende ap ko diwes, kai well o Jesus, maro rai, pale lauterentsa, kai leskre hi.

1. Tessalonikarja 5:23

O Dewel kras i drom, te was pash leste. Lestar mangau, te krell lo tumaro tselo djipen djudjo glan leste, te rikrell lo tumen an peskre wasta, jaake te hatsell lo kek doosh ap tumende ap ko diwes, kai well maro rai, o Jesus Kristo, pale.

Remarja 2:18

Me djinau, hoi job kamella, un dikau an o Moseskre laba, hoi latcho un tchatcho hi.

Efesarja 5:10

Rodenn pal kowa, hoi hi mishto glan o Jesuseste, maro rajeste!

1. Johanni 4:1

Latche phrala un phenja, ma patsenn hakenes, koon penella, te hi les o Debleskro Ducho! Dikenn ap leskro rakepen, te djinenn tumer, te well kowa tchatchepah o Deblestar! Bud chochene rakepangre nashenn ap i phub trujel. Kolla penenna i menshenge, te well lengro rakepen o Deblestar. Kowa hi gar tchatcho.

Filiparja 1:6

Doleske djinau: O Dewel kras i latchi budi an tumende. Un job krell ninna, te atchenn pash leste, te wenn latches glan leste tardo ap ko diwes, kai well o Jesus Kristo pale.

1. Tessalonikarja 5:21

Denn jak, te well ko lab, hoi job penas, tchatchepah o Deblestar! Un rikrenn kowa, hoi mishto hi!

1. Korintarja 1:8

Job dell tumen i soor, te atchenn an o patsepen, bis te well lo pale. Un kek nai anell i doosh ap tumende ap ko diwes.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Efesarja 5:27

Jaake kras lo len railes un shukar. Kek djungelo un tchilatcho koowa hi ap lende. Djudjo un erligo hi le glan leste tardo.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Mateo 16:23

O Jesus rissras pes trujel, un penas ap o Petreste: “Dja tuke, tu beng! Tu kameh man o Debleskro dromestar tele te anell. Tu kameh gar, hoi o Dewel kamella. Na-a, tu kameh, hoi i menshe kamenna.”

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Remarja 8:7

Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

Mateo 26:33

Koi penas o Petro ap leste: “Ninna te nashenn halauter tutar krik, me mukau tut gar.”

Micha 3:2

O latchepen kamenn tumer gar! O tchilatchepen, kowa kamenn te krell. Mire menshentsa djan tumer trujel, har te wans le marede vieche, kolenge i hauta tele tserdedo well, un o mass tele tchinlo fun lengre kokale, un i kokale phagedo, un palle o mass an i piri tchinlo un keredo. Jaake chan tumer mire menshen.

Hiob 34:3

Jaake har o mui haiwell, hi o chapen latcho oder gar, jaake hunte hatsell o kand win, hi ko rakepen mishto oder gar.

Hiob 12:11

Te shunell i mensho, hoi rakedo well, putchell lo pes gar, hoi tchatcho un hoi gar tchatcho hi? Kowa hi jaake har peskro mui djinell, hawo chapen latcho un hawo chapen gar mishto hi.

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

Efesarja 4:15

Mer hunte djiwas an o tchatchepen un penas o tchatchepen i menshenge. Maro kamlepen hunte well kek chocheno kamlepen. Jaake wah mer bud un budeder har o Jesus Kristo. Kowa hi o pralstuno pral lauterende, kai patsenn ap leste.

Galatarja 5:11

Mire phrala, me te penoms i menshenge, te mukenn pen jon ap o mass te tchinell, lans i bibolde man gar palla. Palle choirans le pen gar pral kowa, kai rakrau pral o Jesuseskro merepen ap o trushel, un penau lenge, kai job kokres men pash o Debleste anella.

2. Korintarja 8:8

Kowa mangau tumen. Me penau gar, te hunte krenn les. Te dikau, hawo latcho koowa i wawar patsle an o them Macedonia kran, jaake kamau te dikap, te well tumaro kamlepen dran o dji.

2. Korintarja 6:3

Kowa hi ap miro dji, te djiwas jaake, te hatsell kek i doosh ap mende, te rakrell nai kek djungeles pral mari budi.

2. Korintarja 2:17

Bud rakepangre penenn o Debleskro lab, te lenn le i menshenge lowe lendar tele. Jaake ham mer gar. Mer penah o Debleskro lab tchitcheske. Kowa krah o Jesus Kristeske. Mare laba wenna o Deblestar. Un job shunell, hoi rakrah.

1. Korintarja 10:32

Djiwenn jaake, te choirell pes kek pral tumende: kol bibolde gar, un kolla, kai kek bibolde hi witar gar, un witar gar kol patsle, kai wenn tumentsa khetne.

1. Korintarja 8:13

Doleske, te dikell miro phraal, kai chau ko mass, un doleske well lo o Debleskro dromestar tele, palle kamoms me miro tselo djipen buder kek mass te chal.

Remarja 16:17

Mire phrala, me mangau tumen, denn jak, te shunenn tumer gar ap kolende, kai anenn tchingepen mank i patslende un sikrenn o Debleskro drom wawartchandes har kowa, hoi tumende siklo was, un krenn tumaro patsepen paash! Rikrenn tumen lendar pale!

Remarja 7:22

Miro dji kamell te krell, hoi o Dewel penella.

Remarja 7:16

Me te krau gar kowa, hoi kamau, palle penau: Awa, o Moseskre laba hi tchatcho un latcho.

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

Johanni 3:20

Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna.

Filiparja 2:16

te rikrenn tumer ap o Debleskro latcho lab, hoi o djipen della. Te krenn tumer kowa lauter, palle hom me bachtelo ap ko diwes, kai o Jesus Kristo pale wella. Jaake his miri budi pash tumende gar tchitcheske.