Ester 9:5 - O Debleskro Drom 2021 (Sinte)

⁵ Jaake maran i bibolde lauteren o chareha, kai ap lende djan, un mukan kekes djido, un kran jaake lentsa, har jon kaman.

O Debleskro Lab 2024 (Sinte-Manouche)

⁵ Yaake maran i bibolde lauteren o rhareha, kay ap lende djan, oun moukan kekes djido, oun kran yaake lentsa, har yon kaman.

Ester 9:5 Referans Kwoze

2. Tessalonikarja 1:6

Job djal ninna pal o tchatchepen, te dell lo kolen i phagi, kai tumen palla lan.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Ester 3:13

Koi dren his tchinlo: I tsele bibolde hunte wenn maredo, terne un phure, ninna i tchawe un djuwja, te atchell kek lendar buder djido. Un kowa te well ap jek diwes, ap o deesh-te-triinto diwes an o deesh-te-duito tchon. Kowa hi o tchon Adar. Un i biboldengro koowa nai lell hakeno peske. Un naashepangre wan kharedo, un lenge was penlo, te anenn le kol lila an i tsele themma, kai o Ahasveros baro rai hi.

Ester 9:6

Un an o sorelo kheer o baro rajestar an o foro Susa dan le pantch-sheel (500) murshen mulo.

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Ester 8:11

Un an kol lila his tchinlo: O baro rajeske hi mishto, te wenn i bibolde khetne an hako foro, kai djiwenn le, te kurenn le pengro djipaske, un marenn kolen, kai ap lende djan, ninna lengre tchawen un djuwjen, jaake te atchell lendar kek djido. Un lauter, hoi kolenge his, nai lenn le penge, te well lengro.

Debleskri gili 92:12

Me dikau tele ap kolende, kai mange tchilatchepen kaman, un shunau i gole kol tchilatchendar, kai hadan pen ap mande.