Ester 9:18 - O Debleskro Drom 2021 (Sinte)

¹⁸ Kol bibolde, kai an o foro Susa djiwan, kolla djan an o marepen ap o 13. (deesh-te-triinto) un ap o 14. (deesh-te-starto) diwes an ko tchon. Un ap o 15. (deesh-te-pantchto) diwes kran le tchi. Un kran lestar i diwes, kai krenn le tchi un wenn khetne, chan un pijenn un hi bachtelo.

O Debleskro Lab 2024 (Sinte-Manouche)

¹⁸ Kol bibolde, kay an o foro Susa djivan, kolla djan an o marepen ap o 13. (deesh-te-triinto) oun ap o 14. (deesh-te-starto) dives an ko čon. Oun ap o 15. (deesh-te-pančto) dives kran le či. Oun kran lestar i dives, kay krenn le či oun venn khetne, rhan oun piyenn oun hi barhtelo.

Ester 9:18 Referans Kwoze

Ester 9:21

An kol lila his tchinlo, te well o 14. un o 15. diwes an o tchon Adar i baro diwes. Koles hunte rikrenn le hako bersh,

Ester 9:15

Un i bibolde an o foro Susa wan ap o 14. (deesh-te-starto) diwes an o tchon Adar gomme jek kopo khetne, un dan an Susa 300 (triin-sheel) murshen mulo. Lengro koowa tchoran le penge gar.

Ester 9:13

I Ester penas: “Te hi miro rajeske mishto, palle muk i bibolden taissar an o foro Susa gomme jek kopo pal ko lab te krell, hoi kau diweske tchinlo his. Un kol deesh tchawe o Hamanestar wenn ap deesh bare kashta pre bladedo.”

Ester 9:1

Un palle was o 13. (deesh-te-triinto) diwes an o 12. (deesh-te-duito) tchon. Kowa hi o tchon Adar. Ap ko diwes hunte wals kerdo pal o baro rajeskro tchinlo lab. Un i menshe, kai i bibolden gar kaman, patsan, te nai marans le i bibolden ap ko diwes. Kanna was kowa wawartchandes: I bibolde wan sorleder har i wawar menshe,

Ester 9:11

Ap ko diwes was o baro rajeske penlo, kitse mule das an o rajeskro sorelo kheer an o foro Susa.

Ester 8:11

Un an kol lila his tchinlo: O baro rajeske hi mishto, te wenn i bibolde khetne an hako foro, kai djiwenn le, te kurenn le pengro djipaske, un marenn kolen, kai ap lende djan, ninna lengre tchawen un djuwjen, jaake te atchell lendar kek djido. Un lauter, hoi kolenge his, nai lenn le penge, te well lengro.

Ester 9:2

un wan khetne an pengre forja an i tsele themma, kai o Ahasveros baro rai hi, te djan le ap kolende pre, kai lengri bibacht kaman. Un kek nai atchas tardo glan lende. Un i bari daar glan lende peras ap i menshende an i tsele themma.