Ester 8:17 - O Debleskro Drom 2021 (Sinte)

¹⁷ Un an hako them un an hako foro, kai o baro rajeskro lab was, his bacht un sapen pash i biboldende. Un jon kran baro chapen un wan bachteles khetne. Un bud menshe i wawar menshendar lan daar i biboldendar un wan bibolde.

O Debleskro Lab 2024 (Sinte-Manouche)

¹⁷ Oun an hako them oun an hako foro, kay o baro rayeskro lab vas, his barht oun sapen pash i biboldende. Oun yon kran baro rhapen oun van barhteles khetne. Oun boud menshe i vavar menshendar lan daar i biboldendar oun van bibolde.

Ester 8:17 Referans Kwoze

Ester 9:19

Doleske hi o 14. (deesh-te-starto) diwes an o tchon Adar i baro diwes kol biboldenge, kai djiwenn win ap o them un an i gaba. Un jon chan un pijenn un denn jek o wawareste latcho chapen.

Debleskri gili 18:43

Un me dom len khetne, dom len tiknes har tchik, hoi i baro ducho krik phurdell. Har tchik tchorom len win ap o drom.

1. Samuel 25:8

Putch tire budepangre, kolla penenn les tuke! Jaake ab latches ap kal murshende! Kau diwes hi i baro diwes tuke! De men, tire budepangren un tiro males David, hoi tut pash o wast hi!’”

5. Mose 11:25

Kek nai atchell glan tumende tardo, Traash un daar mukell tumaro baro Dewel ap i menshende an o tselo them te well glan tumende, jaake har job les tumenge penas.

Ester 9:27

lan pen i bibolde glan, te rikrenn le kol dui diwessa bares, un mukenn gar tele, te rikrenn le len hako bersh jaake har glan tchinlo was. Un jaake was kowa pash lende kerdo. Un kowa his ninna moldo lengre tchawenge, kai pal lende wenna, un kolenge, kai kek bibolde hi un pash lende rikrenna.

Ester 9:22

te bistrenn le gar, kai an kol diwessa i bibolde win lino wan dran i tchilatche wasta, un kai kawa o tchon hi, kai was bacht dran lengre duka, un sapen dran lengro ropen. Doleske hunte rikrenn le kol diwessa bares, un wenn khetne, chan un pijenn un hi bachtelo. Un jek te dell o wawareste latcho chapen. Un ninna i tchorwele hunte wenn gar bistedo un hunte lenn tchomone.

Ester 9:2

un wan khetne an pengre forja an i tsele themma, kai o Ahasveros baro rai hi, te djan le ap kolende pre, kai lengri bibacht kaman. Un kek nai atchas tardo glan lende. Un i bari daar glan lende peras ap i menshende an i tsele themma.

5. Mose 2:25

Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

2. Mose 15:16

I trashatar his le har bango. Tiri sorjatar wan le har barra, har tu mukal tire menshen glan lende win te djal, tire menshen, kai tu tuke win rodal, baro Dewel.

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

Ester 9:17

Un kowa his ap o 13. (deesh-te-triinto) diwes an o tchon Adar. Un ap o 14. (deesh-te-starto) diwes kran jon tchi. Un kran lestar i diwes, kai wenn le khetne, chan un pijenn un hi bachtelo.

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Josua 2:11

Un har kowa shunam, was bari traash ap mende, un an kekeste mendar atchas i soor, te djal lo pre ap tumende. O baro Dewel hi tumaro Dewel, un hi o Dewel pral an o bolepen un kate tele ap i phub.

Ester 9:3

I darjatar glan o Mordekai tchiwan pen i pralstune an kol themma ap i rig i biboldendar, ninna i raja, i themeskre raja un i rakepangre o baro rajestar.

Debleskri gili 105:38

I Egiptarja daran lendar, un his bachtele, har djan jon penge.