Ester 7:6 - O Debleskro Drom 2021 (Sinte)

⁶ Un i Ester penas: “Kowa, kai lell men palla un kamell men te marell, kawa hi ko tchilatcho mursh Haman!” Kote tapras o Haman i daar glan o baro rajeste un i ranjate.

O Debleskro Lab 2024 (Sinte-Manouche)

⁶ Oun i Ester penas: “Kova, kay lell men palla oun kamell men te marell, kava hi ko čilačo morsh Haman!” Kote tapras o Haman i daar glan o baro rayeste oun i ranyate.

Ester 7:6 Referans Kwoze

2. Tessalonikarja 2:8

palle sikrell pes ko tchilatcho mensho, har job tchatchepah hi. Koles marell maro rai Jesus ap ko diwes, kai well lo pale. Job phurdell ap leste, un kowa merella.

Gosewe laba 16:14

I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Debleskri gili 27:2

Te wenn i tchilatche ap mande har diwje vieche, kai kamenn man te chal, kolla, hoi les mange phares krenn un mange tchilatchepen kamenn, palle hi jon kolla, kai nashrenn pengri soor un perenn.

Ester 3:10

O baro rai las peskri gustri o gushto tele. Un das koi gustri an o Hamaneskro wast, kai kamas i bibolden te marell. Koleskro dad his o Hammedata kol menshendar Agag.

Nehemia 6:16

Har shunan kowa kolla lauter, kai menge tchilatchepen kaman, trashan i menshe an i tsele themma, hoi trul mende hi. Un lengro pre-phurdepen djas krik. Un jon haiwan, te his maro Dewel pal koi budi tardo.

1. Samuel 24:13

O baro Dewel mu well o tchatchepaskro rai mank mende dujende! Job dell tut pale, hoi tu ap mande kral! Miro wast taprell tut gar an!

Jesaja 21:4

Me hom nasselo an o shero, i daar mukell man te trissell. Dikom ap i rati, te djal mange feteder. Har i rati was, djas mange gomme djungleder.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Ester 7:5

Kote putchas o baro rai Ahasveros i ranjatar Ester: “Koon hi kowa? Un kai hi lo, koles an o shero was, te krell lo sau koowa?”

Ester 8:1

Ap ko diwes das o baro rai, o Ahasveros, i ranjate Ester ko kheer, hoi his o Hamanes, kai i bibolden kamas te marell. Un i Ester penas o baro rajeske, kai o Mordekai lakro kako hi. Un o baro rai mukas les glan peste te well.