Ester 7:3 - O Debleskro Drom 2021 (Sinte)

³ Kote penas i rani Ester: “Miro baro rai, te hal mange latches, un te hi mishto an tire jaka, mange kowa te dell, hoi me tutar mangau, palle, miro baro rai, muk man te djiwell, man un mire menshen. Kowa hi, hoi me kamau.

O Debleskro Lab 2024 (Sinte-Manouche)

³ Kote penas i rani Ester: “Miro baro ray, te hal mange lačes, oun te hi mishto an tire yaka, mange kova te dell, hoy me toutar mangau, palle, miro baro ray, mouk man te djivell, man oun mire menshen. Kova hi, hoy me kamau.

Ester 7:3 Referans Kwoze

Jeremia 38:26

Palle pen lenge: ‘Me mangom o baro rajestar, te mukell lo man gar buder an o Jonataneskro kheer te anell, kote hunte meroms.’”

Hiob 2:4

Un o beng penas ap o baro Debleste: “Lauter, hoi i menshes hi, dell lo peskro djipaske.

Ester 7:7

Un o baro rai stas chojedo pre kotar, kai le mool khetne pijan. Un djas win an i baar pash peskro kheer. Un o Haman atchas pash i ranjate Ester, te mangell lo latar peskro djipen. Job dikas koi bibacht, hoi pral leste well, hoi o baro rai peske glan las.

Ester 4:8

Un o Mordekai das les i liil peha, kai kol laba tele tchinlo his, hoi an o foro Susa ap i kasht dino his, kai tardo hi, te wenn i bibolde maredo. Kau liles te sikrell lo i Esterake, un te penell lo lake lauter, un mangell latar, te djal li pash o baro rajeste dren, un mangell les i ropah, te krell lo peskro dji pre lakre menshenge.

2. Rajengro liil 1:13

Koi bitchras o baro rai pale o triinto kopo i pralstuno lurdes, kai his les penepaske pral paash-sheel lurdende. Un kolla wan leha. Har kowa pash o Elija was, djas job glan o Elija ap peskre tchanga, mangas lestar peskro djipen un penas: “Debleskro mursh, muk te well miro djipen kutch glan tire jaka, ninna o djipen kal paash-sheel murshendar.

1. Rajengro liil 20:31

Kote rakran leskre bare mursha leha un penan: “Dik, mer shunam, kai i bare raja dran o kheer Israel latche raja hi. Muk men win te djal pash o rajeste pral Israel, i goneha trul mende pandlo, un i dori trul mari meen, te sikras mer leste, te hi lo maro rai. Jaake kamah lestar tiro djipaske te mangell.”

Ester 5:8

Te hal mange latches, un te hi mishto an tire jaka, miro rai, mange kowa te dell, hoi me tutar mangau, palle ab tu un o Haman pash o chapen, hoi me tumenge taissar krau. Un taissar penau tuke, hoi kamau tutar.”

Ester 8:5

un penas: “Miro baro rai, te hi mishto un tchatcho glan tire jaka, un te hal mange latches un dikeh kamles ap mande, palle le kol lila pale, hoi tchinas o Haman, koleskro dad o Hammedata hi dran o kheer Agag, an kolende tchinlo hi, te wenn i bibolde maredo an hako them, kai tu baro rai hal.