Ester 5:11 - O Debleskro Drom 2021 (Sinte)

¹¹ Glan lende phurdas pes o Haman pre un penas lenge, har baro leskro brawlepen hi, un kitse mursh tchawe les hi, un har hadas les o baro rai un tchiwas les pral i tsele pralstunende un pral i tsele rajeskre budepangre.

O Debleskro Lab 2024 (Sinte-Manouche)

¹¹ Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Ester 5:11 Referans Kwoze

Ester 3:1

Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

1. Mose 31:1

Un o Jakob shunas, hoi o Labaneskre tchawe pal leste rakran un penan: “O Jakob las peske halauter, hoi maro dadeskro his. Kowa, hoi maro dadeskro his, kolestar was lo jaake brawelo.”

Markus 10:24

Pral kal laba atchas o Jesuseskre malenge o rakepen krik. Koi penas o Jesus pale ap lende: “Mire tchawe, har pharo hi i menshenge, te wenn le ap o Debleskro drom!

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Jesaja 10:8

Job penas: “Tchatchepah, mire tsele pralstune lurden hi jaake bud penepaske har bare raja.

Debleskri gili 49:6

Hoske te darap an i tchilatche diwessa, kai kolla trul mande hi, kai mange tchilatchepen kamenna?

Ester 1:4

Kau baro festo djas 180 (jek-sheel-te-ochta-deesh) diwessa. Un an ko tsiro sikras lo len peskro baro brawlepen un ko tselo kutch koowa, pral kowa job halauter o rai hi.

Ester 8:15

Un o Mordekai djas win o baro rajestar, rido an rajeskre koola. Kolla his blaueto un parno. Un ap leskro shero his shereskro sonakai. Leskri baja his dran laintikro than un lolo bakrengro bal. Un i menshe an o foro Susa stan un dan gole i bachtjatar.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Debleskri gili 52:9

“Dikenn ko murshes! Kowa tchiwas gar peskro patsepen ap o Debleste. Na-a! Job patsas ap peskro baro brawlepen, un leskro tchilatchepen kras les sorelo.”