Ester 4:11 - O Debleskro Drom 2021 (Sinte)

¹¹ “I tsele pralstune, kai o baro rajeske budrenn, ninna i menshe an hako them, koles o baro rai hi, kolla prindjrenn ko tchinlo lab, te well hako mursh un haki djuwel maredo, kai djal dren pash o baro rajeste un well ap i platsa an leskro kheer, un hi lestar gar kharedo. Kokres te lell o baro rai peskro sonakaskro raan un sikrell ap leste, atchell lo djido. Me wom trijanda diwessa buder gar pash o baro rajeste dren kharedo.”

O Debleskro Lab 2024 (Sinte-Manouche)

¹¹ “I tsele pralstoune, kay o baro rayeske boudrenn, ninna i menshe an hako them, koles o baro ray hi, kolla prindjrenn ko činlo lab, te vell hako morsh oun haki djouvel maredo, kay djal dren pash o baro rayeste oun vell ap i platsa an leskro kheer, oun hi lestar gar kharedo. Kokres te lell o baro ray peskro sonakaskro raan oun sikrell ap leste, ačell lo djido. Me vom triyanda divessa bouder gar pash o baro rayeste dren kharedo.”

Ester 4:11 Referans Kwoze

Daniel 2:9

Tumer lan tumenge glan, te rakrenn o chochepen glan mande, bis te well o tsiro wawartchandes. Doleske penau: Te penenn tumer mange gar koi suni, palle well i phagi pral tumende lauterende. Kanna penenn mange koi suni! Palle nai djinau, te nai penenn mange ninna, hoi joi kamell te penell.”

Ester 8:4

Un o baro rai las peskro sonakaskro raan un sikras leha ap i Ester. Kote stas i Ester pre un was glan leste,

Ester 2:14

Ap i rat djas li dren un taissarlake djas li palle an i wawar djuwjengro kheer, tel i wasta ko pralstunestar, kai kharas Shaashgas. Kowa das ap kol djuwjende jak, kai o baro rajeskre wawar djuwja his. Un kek kol djuwjendar was i duito kopo pash o baro rajeste, kokres kolla, kai his shukar an leskre jaka, un kolen job mukas pash pengro lab te kharell.

Ester 6:4

Kote putchas o baro rai: “Koon hi win ap i glanstuni platsa?” Un kote his o Haman ap ko tsiro ap i glanstuni platsa glan o baro rajeskro kheer, te penell lo o baro rajeske, te mukell job o Mordekajes pre te bladell ap ko kasht, hoi lo koleske pre-tchiwas.

Ester 1:19

Te hi mishto an o baro rajeskre jaka, palle djal i lab win lestar, te nai well i Wasti buder gar glan leste. Ko lab well tchinlo an o tchatchepaskro liil ko themestar Persia un Media, kai kek nai lell les buder pale. Un palle lell o baro rai i wawar tchai, te well li rani, – i tchai, kai latcheder hi har i Wasti.

1. Petro 3:7

Murshale, djiwenn tumare romjentsa latches khetne! Jon hi gar jaake sorelo har tumer. Awenn latches ap lende! Ma bistrenn, i djuwja lenn o Debleskro djipen har tumer! Te djiwenn tumer jaake, palle well tchi mashkral tumende tardo ap ko tsiro, kai rakrenn o Debleha.

Ester 4:10

Kote bitchras i Ester les pale pash o Mordekai, te penell lo leske:

Ester 4:12

Har shunas o Mordekai, hoi mukas i Ester leske te penell,