Ester 3:2 - O Debleskro Drom 2021 (Sinte)

² Un o baro rai penas, te djan i tsele pralstune, kai an o baro wudar glan leskro kheer hi, ap i phub glan o Haman un parkrenn les. Un jaake kran le. Kokres o Mordekai kamas gar, un djas gar glan leste tele ap i phub.

O Debleskro Lab 2024 (Sinte-Manouche)

² Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

Ester 3:2 Referans Kwoze

Filiparja 2:10

Un hakeno an o bolepen un ap i phub un tel i phub hunte perell glan leste tele ap i tchanga.

Debleskri gili 15:4

Kowa, kai hadell gar kolen, kai kowa krenna, hoi o baro Dewel gar kamella, Na-a, job hadell kolen, kai o baro Debleha djiwenna. Job krell, ap hoi job pes sowel das, ninna te well kowa leske phares.

Ester 5:9

Har o Haman ko diwes dran o kheer djas, his lo bachtelo un peskro dji sanas. Koi dikas lo o Mordekajes beshdo an o baro wudar glan o baro rajeskro kheer. Un kowa stas gar pre, un witsras pes gar glan leste tele. Koi tapras o Hamanes i bari choli pral o Mordekai.

Ester 3:5

Un har o Haman dikas, te witsrell o Mordekai pes gar glan leste tele, tapras les i bari choli.

Ester 3:1

Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

Ester 2:21

An kol diwessa har o Mordekai an ko baro wudar glan o baro rajeskro kheer beshdo his, wan dui budepangre an i bari choli. Kolla dan jak ap i wudja un kharan Bigtan un Teresh. Un jon lan penge glan, te denn le o baro rajes Ahasveros mulo.

Ester 2:19

His an ko tsiro, har i duito kopo terne tcha khetne anlo wan o baro rajeske. Koi his o Mordekai beshdo an o baro wudar glan o baro rajeskro kheer.

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

5. Mose 25:19

Ap ko tsiro, kai lan tumer ko them dren, hoi tumaro baro Dewel tumen dell, un tumer buder gar an o kurepen han kolentsa, kai trul tumende djiwenn, palle denn kol tsele Amalekarjen mulo, jaake te atchell tchi lendar pral, hoi sikrell, te his i tsiro, kai djiwan le. Un kowa bistrenn gar!

2. Mose 17:16

Un o Mose penas: “Kowa was, har hadom mire wasta pre ap o baro Debleste. An ko tsiro, hoi wella, dell o baro Dewel i Amalekarja pale te pale.”

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

1. Mose 41:43

Un mukas les te ulerell ap o duito wurdin. Glan leste dan le win gole: “Witsrenn tumen tele glan leste!” Jaake das o baro rai o tselo them Egiptia an o Josefeskre wasta.

Ester 2:5

Un an o sorelo kheer an Susa djiwas i biboldo. Kowa kharas Mordekai. Leskro dad his o Jair, un leskro papo his o Shimi. Koleskro dad his o Kish. Kowa his i Benjaminari.

Ester 3:3

Kote putchan lestar i wawar pralstune, kai an o wudar glan o baro rajeskro kheer his: “Hoske kreh tu kowa gar, hoi o baro rai penas?”

Daniel 2:49

Un o Daniel mangas o baro rajestar, te wenn o Shadrach un o Meshach un o Abed-Nego i moskre pral i forja an o them Babilonia. Un kowa was jaake. O Daniel atchas an o baro rajeskro kheer.