Ester 1:13 - O Debleskro Drom 2021 (Sinte)

¹³ Un o baro rai rakras i gosewe murshentsa, kai prindjran mishto o themeskro tchatchepen. Pash lende his jaake, kai o baro rajeskro koowa hunte well glan kolende, kai haiwan mishto o themeskro tchatchepen un djinan, hoi te krenn.

O Debleskro Lab 2024 (Sinte-Manouche)

¹³ Oun o baro ray rakras i goseve morshentsa, kay prindjran mishto o themeskro čačepen. Pash lende his yaake, kay o baro rayeskro koova hounte vell glan kolende, kay hayvan mishto o themeskro čačepen oun djinan, hoy te krenn.

Ester 1:13 Referans Kwoze

1. Familjakro liil 12:32

Dran o paash kheer Manasse: 18.000 mursha, kolla wan o labeha win rodedo, te djan le koi, te krenn le o Davides o baro rai.

Daniel 2:2

Un o baro rai mukas khetne te kharell i tsele durkepangren un drawepangren, kolen, kai bengeskro koowa krenn un kolen, kai an i bolepangre momlia drawerenn. Jon hunte penan leske, hoi leskri suni kamell te penell. Un jon wan un his tardo glan leste.

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Mateo 16:3

Un te hi o bolepen taissarlake lolo, penenn tumer: Wella brishin! Jaake dikenn tumer ap o bolepen, un djinenn, hoi wella. Kowa, hoi kanna mashkral tumende djala, kowa haiwenn tumer gar.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”

Daniel 2:12

Kote was o baro rai jaake chojedo, te penas lo, te wenn i tsele sikle mursha maredo an o them Babilonia.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Daniel 2:27

Un o Daniel penas ap o baro rajeste: “Kowa, hoi tu kameh te djinell, miro rai, kowa nai penell tuke kek siklo, kek drawepaskro, kek durkepaskro un kek, kai nai drawerell an i bolepangre momlia.

Ester 1:12

Har penan kol efta mursha i ranjake Wasti, hoi o baro rai latar kamell, kamas li gar pash leste te well. Kote tapras i bari choli i baro rajes.

1. Familjakro liil 12:33

Dran o kheer Issachar, 200 pralstune, kai dikan nai, hoi o Israel hunte krella, un kaana o tchatcho tsiro koleske was. Lengre tsele phrala shunan ap lengro lab.