Esra 1:4 - O Debleskro Drom 2021 (Sinte)

⁴ Un hakeno, kai pral atchas o Debleskre menshendar, kai lo ninna djiwell an kau them, koleske hunte wenn kolla ap i rig, pash kolende job djiwell, un hunte denn les rup un sonakai un vieche un wawar latcho koowa. Un hoi hakeno pestar kamell te dell, te well o baro Debleskro kheer pre-tchiddo an o foro Jerusalem, kowa hi hakeneskro koowa kokres.

O Debleskro Lab 2024 (Sinte-Manouche)

⁴ Oun hakeno, kay pral ačas o Debleskre menshendar, kay lo ninna djivell an kava them, koleske hounte venn kolla ap i rig, pash kolende yob djivell, oun hounte denn les roup oun sonakay oun firhe oun vavar lačo koova. Oun hoy hakeno pestar kamell te dell, te vell o baro Debleskro kheer pre-čiddo an o foro Yerusalem, kova hi hakeneskro koova kokres.

Esra 1:4 Referans Kwoze

1. Familjakro liil 29:3

Te krap o kheer miro Deblestar jaake shukar har djala, dau ninna dran miro brawlepen

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Bičepangre 24:17

Bud bersha homs an i wawar themma. Kanna wom pale an o foro Jerusalem, te anap mire menshenge lowe, hoi wawar dan. Ninna wom, te chatchrap viechen o Debleske an o Debleskro baro kheer.

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

1. Familjakro liil 29:9

Un i tsele menshe his bachtelo, kai dan lengre pralstune jaake bud kutch koowa dran pengro wast pengro tselo djijeha o baro Debleste. Un ninna o baro rai David his bachtelo pral kowa,

2. Mose 35:29

Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

Esra 1:3

Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem an o them Juda, un nai tchiwell o baro Debleskro kheer pre! Kowa hi o Israeleskro Dewel. Un job rodas peske o foro Jerusalem win, te well lo kote an-mangedo.

Esra 1:5

Kote kran le pen ap o drom, te tchiwenn le o baro Debleskro kheer pale pre an o foro Jerusalem. Kolla, kai djan, his i pralstune pengre familjendar dran Juda un Benjamin, ninna i rashaja un i Levitarja, halauter kolla, kolenge o Dewel o dji pre kras, te djan le kote.

2. Familjakro liil 31:14

Un jek Levitari, o Kore, koleskro dad o Jimna his, job das jak ap o wudar ap koi rig, kai o kham pre djala, un was kanna dren tchiddo te dell lo garda ap ko koowa, hoi i menshe pendar o baro Debleske dan. Un job hunte das kowa ap i rashajende un i Levitarjen win, hoi lengro kotar hi, ninna kol kotja mass, hoi kokres i rashajenge his.

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Jesaja 10:21

Kol Israelitarja, hoi pral atchan, mukenn pengro drom un djan pale pale ap o drom o sorelo Deblestar.