Efesarja 6:18 - O Debleskro Drom 2021 (Sinte)

¹⁸ Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

O Debleskro Lab 2024 (Sinte-Manouche)

¹⁸ Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Efesarja 6:18 Referans Kwoze

1. Tessalonikarja 5:17

Mangenn o Debles hako tsiro!

Kolossarja 4:2

Ma mukenn tele, te mangenn o Debles! Parkrenn tumen hako tsiro pash leste!

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Timoteo 2:1

Me penau tumenge kanna, hoi hunte krenn un gar mukenn: Mangenn o Debles i tsele menshenge! Penenn leske lauter, hoi ap tumaro dji hi! Parkrenn tumen pash o Debleste lautereske, hoi job das!

Judas 1:20

Tumer, mire phrala un phenja, atchenn soreles an tumaro patsepen, hoi das tumen o Dewel. Un mangenn les jaake, har leskro Ducho an tumende kamell.

Markus 14:38

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor, te atchenn pash mande, ninna te kamell kowa tumaro dji.”

Louka 21:36

Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”

Mateo 26:41

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor te atchenn pash mande, ninna te kamell kowa tumaro dji.”

Daniel 9:20

Un har me jaake miro baro Debleha rakrom, un man tele mangom, un leske miri doosh un i doosh mire menshendar Israel penom, un me glan leste trul o Debleskri berga rowom,

Efesarja 1:16

Doleske parkrau man hako tsiro pash o Debleste tumenge, un mangau lestar,

Debleskri gili 6:9

Djan tumenge, tumer lauter, kai han tchilatches! O baro Dewel shunas miro ropen.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Markus 13:33

Denn jak! Rikrenn tumare jaka pre! Tumer djinenn gar, kaana hi ko tsiro kai.

1. Petro 4:7

Ko tsiro wella sik, kai tchi atchella, hoi kanna koi hi. Doleske denn garda, har tumer djiwenna, te rikrell tumen tchi pale, te rakrenn o Debleha!

Bičepangre 1:14

Kalen lauteren his jek dji un jek djipen un mangan o Debles an. Pash lende his ninna djuwja, un i Maria, o Jesuseskri dai, un o Jesuseskre phrala.

Louka 22:46

penas lo ap lende: “Hoske sowenn tumer? Stenn pre un mangenn o Deblestar, te nai anell tumen tchi o Debleskro dromestar tele!”

Debleskri gili 4:1

I gili o rajeske pral i gipangre, te giwell pash o bashepen ap i dorjengri bashepaskri. O David kras kai gili.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

Filiparja 1:4

Un hako tsiro, kai mangau o Debles tumenge lauterenge, hom bachtelo pral tumende.

1. Rajengro liil 8:52

Baro Dewel, maro rai, dik hako tsiro latches ap tire menshende Israel un ap lengro baro rai, un shun lengro mangepen hako tsiro, kai mangenn le tut, te wess ap lengri rig! Tu rodal len win dran hake natsjone, te wenn le tire menshe, jaake har rakral dran o mui o Mosestar, koles tiro tchatcho wast his, an ko tsiro, kai anal mare phuren dran o them Egiptia.

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

1. Rajengro liil 8:54

Un har o Salomo o baro Deblestar jaake mangas, his lo tchiddo ap peskre tchanga glan o Debleskri chatchepaskri un rikras peskre wasta an o bolepen. Har job halauter penas, hoi job kamas te penell, stas lo pre un las ninna peskre wasta pale tele.

Efesarja 6:19

Mangenn mange ninna, te dell o Dewel man i tchatche laba, un te darap gar i menshendar, te sikrap lende o Debleskro drom un penap lenge kowa, hoi djinenn le gar.

Bičepangre 12:5

Har o Petro an o stilepen his, mangan i tsele patsle pengro tselo djijeha o Debles leske ap i rati un ap o diwes.

Hosea 12:4

Har lo an o per peskri datar his, chochras lo peskro phrales. Un har lo i mursh was, kuras lo pes o Debleha.

Daniel 6:10

Jaake mukas o baro rai kau lab pre te tchinell un tchiwas peskro lab tele.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

1. Rajengro liil 8:59

Mu wenn kal laba un hoi lestar mangom, maro baro Debleske an o shero, ap o diwes un an i rati, te dell lo men tchatchepen hako tsiro, man, kai leskro budepaskro hom, un ninna leskre tsele menshende Israel.

Filemon 1:5

Me shunom, kai tu kameh i tsele patslen o djijestar. Un tu patseh ap maro rajeste, o Jesuseste, jaake har mer ap leste patsah. Me mangau o Deblestar, te well tiro patsepen jaake soreles an tute, te haiwess tu bud un budeder har baro o latchepen hi, hoi das men o Jesus Kristo.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Hiob 27:10

Job hi gar sawo mensho, kai hatsell peskri bacht pash o sorelo Debleste, un dell hako tsiro gole ap leste.

Ester 4:8

Un o Mordekai das les i liil peha, kai kol laba tele tchinlo his, hoi an o foro Susa ap i kasht dino his, kai tardo hi, te wenn i bibolde maredo. Kau liles te sikrell lo i Esterake, un te penell lo lake lauter, un mangell latar, te djal li pash o baro rajeste dren, un mangell les i ropah, te krell lo peskro dji pre lakre menshenge.

Bičepangre 10:2

Kowa his i latcho mursh un patsas ap o Debleste peskre tsele menshentsa. Job das bud i tchorwelende, un mangas o Debles hako diwes an.

Bičepangre 6:4

Mer kamah o Debles an-mangell, un i menshenge o Debleskro lab te penell.”

Efesarja 3:18

Jaake nai haiwenn tumer i tsele patslentsa, har baro o Jesus Kristeskro dji tumenge hi,

Efesarja 3:8

Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Efesarja 2:22

Ninna tumer djiwenn o Jesus Kristeha khetne. Doleske han tumer ninna har barra an o Debleskro kheer, kai o Debleskro Ducho djiwella.

Louka 3:37

o Metuselach, o Henoch, o Jered, o Mahalalel, o Kenan,

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Louka 3:26

o Mahat, o Matatias, o Shimi, o Josech, o Joda,

Kolossarja 1:3

Mer shunam, har tumer patsenn ap o Jesus Kristeste, un har tumer i tsele patslen o djijestar kamenna. Doleske parkrah men tumenge pash o Debleste hako tsiro, kai mangah les tumenge. Job hi o dad maro rajestar, o Jesus Kristestar.

1. Samuel 1:12

Un har joi i rah tsiro o baro Debleha rakras, das o Eli jak ap lakro mui.