Efesarja 6:13 - O Debleskro Drom 2021 (Sinte)

¹³ Doleske riwenn kol koola ap tumende, hoi dell tumen o Dewel, te kurenn tumen mishto ap ko diwes, kai well o beng ap tumende. Palle han sorleder har job, un atchenn soreles tardo.

O Debleskro Lab 2024 (Sinte-Manouche)

¹³ Doleske rivenn kol koola ap t'mende, hoy dell t'men o Devel, te kourenn t'men mishto ap ko dives, kay vell o beng ap t'mende. Palle han zorleder har yob, oun ačenn zoreles tardo.

Efesarja 6:13 Referans Kwoze

2. Korintarja 10:4

An maro budi o Debleske lah mer kek charo an o wast, har i menshe ap kai phub krenna. Na-a, o Dewel dell men i soor, te nai rakras jaake kol menshentsa, kai chocheno koowa pral leste patsenna, te dikenn le, kai kowa, hoi jon jaake rah patsan, tchi moldo hi.

Louka 21:36

Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”

Efesarja 5:16

Hako kopo, kai krenn nai latcho koowa, krenn kowa! Kau tsiro, kai djiwah, hi tchilatcho.

Louka 8:13

Ko kotar phub, hoi hi pherde barra, hi har o dji kol menshendar, kai shunenn o Debleskro lab, un lenn les bachteles pre. O lab well gar sorelo an lengre djia. I tikno tsiro patsenn le. Un te well pharo tsiro ap lende, witsrenn le pengro patsepen ap i rig.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

Maleachi 3:2

Koon tumendar nai rikrell ko diwes win, job te wella? Un koon tumendar nai atchell glan leste tardo, job te mukell pes te dikell? Job hi har i soreli sapuni un har i jag, hoi chatchell i tchik an o saster krik.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Efesarja 5:6

Ma patsenn kekes, kai penell tumenge, te nai krenn kowa lauter! Koon kowa penella, hi i chocheno. O Debleskri choli well ap kolende, kai gar ap o Debleste shunenna, un krenna sawo tchilatcho koowa.

Debleskro tsiro 6:17

Ko baro diwes was, kai lengri choli ap mende wella. Un kek nashte nashell lengri choljatar krik.”

Amos 6:3

Tumer patsenn, kai hi o tchilatcho diwes dur krik tumendar. Djinenn: Kowa, hoi krenn, mukell ko diwes sikeder te well, kai tchilatche raja pral tumende wenn.

Remarja 13:12

Kau tsiro kanna hi har i rati. Sik hi i rati buder gar kai. Un o diwes wella. Dran kowa djiwas gar har i menshe, kai djiwenn an i rati. Te kras buder gar tchilatcho koowa! Kanna hunte kras mer kowa, hoi mishto hi, te well o tchilatchepen gar o rai pral mende.

Jakobo 4:7

Doleske, shunenn ap o Debleste! Krenn lauter, hoi job kamella! Ma krenn, hoi o beng kamella! Jaake nashell o beng tumendar.

1. Petro 4:1

O Jesus Kristo las bare duka ap peste, har job ap i phub his. Doleske, ma darenn, te wenn ninna duka ap tumende. Koon an peskro djipen duka haiwas, kowa mukell o tchilatchepen.