Efesarja 5:24 - O Debleskro Drom 2021 (Sinte)

²⁴ Jaake har kol tsele patsle ap o Jesus Kristeste shunenna, jaake hunte shunenn ninna i romja ap pengre romende an hako koowa.

O Debleskro Lab 2024 (Sinte-Manouche)

²⁴ Yaake har kol tsele patsle ap o Yezous Kristeste shounenna, yaake hounte shounenn ninna i romya ap pengre romende an hako koova.

Efesarja 5:24 Referans Kwoze

Efesarja 5:33

Ninna te haiwau me kau lab jaake, penell kau lab tumenge: Hakeno hunte well jaake kamlo ap peskri romjate, har job kamlo ap peste hi! Un i romni hunte well latcho ap peskro romeste!

Tito 2:7

An hako koowa sike lende, har tu kowa kreh, te krenn le ninna latcho koowa! Pen o Debleskro lab an o tchatchepen, te djal les hakeneske an o dji!

Kolossarja 3:20

Tumer tchawe, shunenn hako tsiro ap tumaro dadeste un ap tumari date! Kowa kamell o rai Jesus tumendar.

Tito 2:9

Pen kolenge, kai hunte budrenn i rajeske, te shunenn le hako tsiro ap leste, te krenn le kowa, hoi job kamella, te rakrenn le leske gar pale,

Kolossarja 3:22

Tumer budepangre, shunenn hako tsiro ap tumare rajende, kolenge tumer hunte budrenna! Ma krenn tumari budi jaake, te sharenn tumen i menshe! Na-a! Budrenn lenge o tchatcho djijestar, un jaake, har kamell o rai Jesus kowa tumendar.

2. Mose 29:35

Jaake kress tu o Aroneha un leskre tchawentsa lauter, hoi me tuke penom. Efta diwessa kress tu jaake, te wenn le rashaja.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

Louka 10:17

Un kol efta-deesh wan pale pash o Jesuseste. Un jon his bachtelo, un penan leske: “Ninna i benga shunenn ap mende, te penah mer lenge an tiro lab: Djan dran i menshende win!”

Efesarja 5:23

O rom hi o rai pral i djuwjate jaake, har hi o Jesus Kristo o rai pral i tsele patslende. Kolen las job dran o tchilatchepen win. Jon hi leskre menshe.

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,