Efesarja 5:23 - O Debleskro Drom 2021 (Sinte)

²³ O rom hi o rai pral i djuwjate jaake, har hi o Jesus Kristo o rai pral i tsele patslende. Kolen las job dran o tchilatchepen win. Jon hi leskre menshe.

O Debleskro Lab 2024 (Sinte-Manouche)

²³ O rom hi o ray pral i djouvyate yaake, har hi o Yezous Kristo o ray pral i tsele patslende. Kolen las yob dran o čilačepen vin. Yon hi leskre menshe.

Efesarja 5:23 Referans Kwoze

Kolossarja 1:18

Job hi o pralstuno pral i tsele patslende. Har o Dewel les i mulendar djido kras, das lo les o newo djipen glan hako wawareste, koles o Dewel newes krella. Jaake kras o Dewel, kai hi o Jesus Kristo o pralstuno pral halauter, hoi koi hi.

Efesarja 4:15

Mer hunte djiwas an o tchatchepen un penas o tchatchepen i menshenge. Maro kamlepen hunte well kek chocheno kamlepen. Jaake wah mer bud un budeder har o Jesus Kristo. Kowa hi o pralstuno pral lauterende, kai patsenn ap leste.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.

1. Korintarja 6:13

O chapen hi koi, te djal lo an o per. Un o per hi o chapaske koi. Well jek diwes, kai krell o Dewel, te hi o chapen un o per buder gar koi. O Dewel kras men gar, te lubras mer trujel. Mer ham koi o Jesuseske, maro rajeske. Un job hi ninna o rai pral maro mass.

Bičepangre 20:28

Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Efesarja 5:24

Jaake har kol tsele patsle ap o Jesus Kristeste shunenna, jaake hunte shunenn ninna i romja ap pengre romende an hako koowa.

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”