Efesarja 5:17 - O Debleskro Drom 2021 (Sinte)

¹⁷ Doleske krenn tumaro dji pre, te haiwenn, hoi o rai Jesus tumendar kamella!

O Debleskro Lab 2024 (Sinte-Manouche)

¹⁷ Doleske krenn t'maro dji pre, te hayvenn, hoy o ray Yezous t'mendar kamella!

Efesarja 5:17 Referans Kwoze

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

1. Tessalonikarja 5:18

Parkrenn tumen pash leste pral halauter! Kowa kamell o Dewel lauterendar, kai djan ap o Jesuseskro drom.

Kolossarja 1:9

Un har mer kowa shunam, mangam o Debles tumenge, un mukam gar tele, te mangas lestar, te dell lo an tumende o goswepen, hoi dell o Debleskro Ducho, te haiwenn tumer, hoi o Dewel kamella.

Efesarja 5:15

Denn jak koi pre, har tumer tumaro djipen djiwenna! Ma djiwenn har dinele menshe! Djiwenn har kolla, kai djinenna, hoi mishto hi!

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

1. Petro 4:2

Jaake rah, har kau mensho ap kai phub hi, krell lo kowa, hoi o Dewel kamella, un djiwell buder gar pal peskro shero.

Kolossarja 4:5

Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!

Johanni 7:17

Koon kowa krella, hoi o Dewel kamella, kowa haiwella, kai mire laba o Deblestar wenna, un gar mandar.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Gosewe laba 14:8

O gosewo dell jak har lo djiwell, doleske hi lo gosewo. I narwele perenn hako kopo ap dinlepen dren. Un jaake chochenn le pen kokres.

Gosewe laba 2:5

Palle haiweh, har nai djiweh o baro Debleha, un prindjreh les bud un budeder.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

Gosewe laba 23:23

Muk tuke o tchatchepen un o goswepen bud moldo te well! Muk tuke hako tsiro tchomone te penell, te haiwess lauter mishto.

Debleskri gili 119:27

Muk man te haiwap, hoi tire laba mange kamenn te penell. Jaake te rakrap pral ko baro sorelo koowa, hoi tu kral.