Efesarja 4:9 - O Debleskro Drom 2021 (Sinte)

⁹ Kote hi tchinlo, kai job an o bolepen djas. Un kowa penell menge ninna, kai job glan kowa dran o bolepen ap i phub was.

O Debleskro Lab 2024 (Sinte-Manouche)

⁹ Kote hi činlo, kay yob an o bolepen djas. Oun kova penell menge ninna, kay yob glan kova dran o bolepen ap i phoub vas.

Efesarja 4:9 Referans Kwoze

Johanni 3:13

Me, o Mensheskro Tchawo kokres, nai penau, hoi an o bolepen hi. Me wom dran o bolepen.

Mateo 12:40

O Jona atchas triin diwessa un triin rati an o baro matcheskro per. Un jaake hunte atchell o Mensheskro Tchawo triin diwessa un triin rati an i phub paskedo.

Johanni 6:33

O Debleskro maro hi kowa, kai was dran o bolepen, un dell i menshen o djipen.”

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Debleskri gili 63:9

Miro dji rikrell pes ap tute. Tiro tchatcho wast rikrell man.

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Debleskri gili 8:5

palle putchau mandar: Hoi hi o mensho? Hoske well lo tuke an o shero? Hi lo tuke jaake kutch, te weh ap leskri rig?

1. Mose 11:5

Koi was o baro Dewel tele, te dikell lo ko foro un ko baro kheer, hoi kol menshe krenn.

Hebrearja 2:7

I tikno tsiro mukal les tikneder te well har i bolepangre. Palle kral tu les railo un baro.

Johanni 8:14

Penas o Jesus: “Ninna te rakrau mandar kokres, hi kowa tchatcho, hoi penau. Me djinau, konestar me wom, un kai me djaua. Tumer djinenn gar, konestar me wom, witar gar, kai me djaua.

Johanni 6:62

Hoi krans tumer, te dikans tumer, te djal o Mensheskro Tchawo pale an o bolepen?

Johanni 6:58

Kawa hi ko maro, hoi was dran o bolepen. Koon kau maro chala, lell o djipen, hoi gar pre-herella. Kawa hi i wawar maro har kowa, hoi tumare phure chan.”

Johanni 6:51

Me hom ko maro, hoi dell o djipen, un hoi was dran o bolepen. Hakeno, koon chala kau maro, lell o djipen, hoi gar pre-herella. Un ko maro hi miro mass. Me dau les i menshenge, te lenn le ko djipen.”

Johanni 6:41

I bibolde his chojemen pral kowa, kai job penas: Me hom ko maro, hoi dran o bolepen tele was.

Johanni 6:38

Me wom gar dran o bolepen te krap kowa, hoi me kamau. Me wom te krap, hoi kowa kamella, kai bitchras man.

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Debleskri gili 139:15

Me homs gar khatedo glan tute, har kral man kote, kai kek dikell, har wom i ternepen an miri dakro per.

2. Mose 19:20

Un o baro Dewel was tele ap i berga Sinai, un das o Mose pre gole. Un kowa djas pre ap i berga.

Ezekiel 31:14

An ko tsiro, hoi wella, well buder kek ruk jaake baro – bareder har i tsele wawar – te nai phurdell lo pes pre, ninna te hi lo pash o pani tardo. Kek ruk nai hadell pes pral i wawarende. Kol tsele ruka hunte merenn, un djan tele an o mulengro them, pash i wawar menshende, kai meran.