Efesarja 4:15 - O Debleskro Drom 2021 (Sinte)

¹⁵ Mer hunte djiwas an o tchatchepen un penas o tchatchepen i menshenge. Maro kamlepen hunte well kek chocheno kamlepen. Jaake wah mer bud un budeder har o Jesus Kristo. Kowa hi o pralstuno pral lauterende, kai patsenn ap leste.

O Debleskro Lab 2024 (Sinte-Manouche)

¹⁵ Mer hounte djivas an o čačepen oun penas o čačepen i menshenge. Maro kamlepen hounte vell kek rhorheno kamlepen. Yaake vah mer boud oun boudeder har o Yezous Kristo. Kova hi o pralstouno pral lauterende, kay patsenn ap leste.

Efesarja 4:15 Referans Kwoze

1. Johanni 3:18

Mire tchawe, mer te kras gar bare laba te penah, kai kamah i menshen i djijestar. Na-a, o tchatcho kamlepen dikenn le ap kowa, hoi jek o wawareske krella.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Zakarie 8:16

Kowa hi, hoi hunte krenn tumer: Rakrenn o tchatchepen jek o wawareha. Denn hakeneste peskro tchatchepen, te well o tchingepen krik lino.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

Efesarja 1:22

O Dewel das halauter an leskre wasta, un kras, te was o Jesus Kristo o pralstuno pral i patslende.

1. Petro 2:2

Har i ternepen pal o thud gole della, jaake hunte well tumen bok pal o Debleskro lab. Palle wenn tumer sorelo an o patsepen un djan mishto ap ko drom kai anell tumen pash o Debleste.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Efesarja 5:23

O rom hi o rai pral i djuwjate jaake, har hi o Jesus Kristo o rai pral i tsele patslende. Kolen las job dran o tchilatchepen win. Jon hi leskre menshe.

2. Korintarja 4:2

Djungelo koowa, hoi krenn i menshe tchorchanes, kowa krah mer gar. Mer chochah kek menshen un penah o Debleskro lab jaake har tchinlo hi, un gar wawartchandes. Jaake djiwah glan o Debleste un rakrah o tchatchepen, te haiwell nai hakeno, kowa, hoi penah, hi tchatcho.

Debleskri gili 32:2

Bachtelo hi ko mensho, koneske o baro Dewel i doosh gar glan-rikrell, un an koleste kek chochepen hi.

Čačepangre 16:15

Kote penas li ap leste: “Har nai peneh tu ap mande ‘me kamau tut’, te hi tiro dji gar mantsa? Triin kope chochral tu man, un penal mange gar, kai tiri bari soor well.”

2. Korintarja 8:8

Kowa mangau tumen. Me penau gar, te hunte krenn les. Te dikau, hawo latcho koowa i wawar patsle an o them Macedonia kran, jaake kamau te dikap, te well tumaro kamlepen dran o dji.

1. Korintarja 11:3

Me kamau te djinenn tumer, kai o Jesus Kristo hi o pralstuno pral hako mursheste. Un o rom hi o pralstuno pral peskri romjate. Un o Dewel hi o pralstuno pral o Jesus Kristeste.

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,