Efesarja 4:12 - O Debleskro Drom 2021 (Sinte)

¹² Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

O Debleskro Lab 2024 (Sinte-Manouche)

¹² Lauter kolla krenn pengri boudi, te venn i tsele patsle zoreles an o patsepen, oun te hayvenn le o Debleskri boudi mishto te krell.

Efesarja 4:12 Referans Kwoze

Efesarja 4:16

Job rikrell len khetne jaake, te well jek patslo i wawareha khetne anlo. Un jek patslo hidjrell o wawares jaake, har les i soor hi. Mer te ham jaake kamlo, ko jek ap o wawareste, palle well o Debleskri familja baro un sorelo.

1. Korintarja 12:27

Tumen hi lauter jek djipen o Jesus Kristeha, un hakeno tumendar hi i kotar lestar.

Remarja 15:14

Mire phrala, me djinau tchatchepah, tumaro dji hi pherdo latchepen. Un tumer djinenn lauter, hoi o Dewel tumendar kamella. Jaake nai sikrell ko jek o wawareste o tchatcho drom.

1. Korintarja 14:26

Mire phrala, hi jaake: Te wenn tumer khetne, sharell ko jek o Debles i giljah. I wawar sikrell, har te djan ap o Debleskro drom. Ninna i wawar penell, hoi o Dewel les sikras. Pale i wawar rakrell an i rakepen, hoi o Debleskro Ducho les das. Un i wawar nai penell, hoi koi rakedo was. Lauter kowa krenn, te wenn i patsle soreles an o patsepen!

Remarja 14:19

Kanna kras lauter, te well kek tchingepen mank mende. Kras kowa, hoi krell men lauter soreles an o patsepen.

1. Timoteo 1:12

Me parkrau man pash maro rajeste, o Jesus Kristeste, kai das man i soor, te budrap leske. Job patsas ap mande, un tchiwas man an koi budi, te wap leske koi.

1. Korintarja 14:12

Jaake hi kowa ninna tumentsa. Tumer kamenn o tselo djijestar kol sorja te lell, hoi o Debleskro Ducho della. Krenn lauter, te lenn bud kolestar, hoi krell i patslen soreles an o patsepen!

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

Hebrearja 6:1

Kanna kamah te rakras pral kowa, hoi kolenge hi, kai hi phure an o patsepen, un buder gar pral kowa, hoi mer kolenge penah, kai hi terno an o patsepen. Mer kamah buder gar pral kowa te rakrell, hoi tumer shunan, har patslo wan! Ap ko tsiro was tumenge penlo, te mukenn tumaro tchilatcho drom, hoi an o merepen anella, un te patsenn ap o Debleste, un te djan ap leskro drom.

2. Korintarja 6:3

Kowa hi ap miro dji, te djiwas jaake, te hatsell kek i doosh ap mende, te rakrell nai kek djungeles pral mari budi.

2. Korintarja 5:18

Kowa lauter well o Deblestar. Job bitchras o Jesus Kristes menge an o merepen, te lell lo kowa krik, hoi his tardo mank mende un o Debleste, te nai was mer kanna pash leste. Un mende das lo koi budi, te penas i menshenge, te nai wenn le pash leste.

Louka 22:32

Me mangom tuke pash mo Debleste, te djas tu gar o Debleskro dromestar tele. Un te djah tu pale ap o tchatcho drom, kre tire phralen soreles an o patsepen!”

2. Timoteo 4:5

Tu, Timoteo, de jak har tu djiweh! Rike win, ninna te krenn le tuke o djipen phares! Pen i menshenge o latcho lab o Jesus Kristestar! Koi budi das tut o Dewel. Kre koi budi mishto!

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!

Kolossarja 1:28

Un kau Jesuseskro drom sikrah mer i menshende, un penah hakeneske an o dji, te djal lo ap kau drom. Mer penah lenge o Debleskro lab jaake, te haiwenn le les mishto. O Dewel kamella, te well hakeno baro un sorelo an o patsepen ap o Jesus Kristeste.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

Efesarja 1:23

Kolla hi leskre. Job djiwell an lende peskri tseli sorjah. Un leskri tseli soor hi an halauter an o bolepen un ap i phub.

2. Korintarja 12:19

Patsenn tumer, te rodah mer maro tchatchepen glan tumende? Kowa hi gar jaake. Mer djiwah o Jesus Kristeha un djinah, o Dewel shunell, hoi mer rakrah. Mire phrala un phenja, mer rakrah jaake, te well tumaro patsepen soreles.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

2. Korintarja 4:1

O Debles hi i baro dji menge, un das men kai budi, te sikras i menshende leskro drom. Doleske wah gar khino, te kras kowa.

2. Korintarja 3:8

Kitse shukeder hi o newo drom, kai lenn le o Debleskro Ducho!

1. Korintarja 14:14

Me te rakrau an i rakepen, hoi o Debleskro Ducho man das, palle krell kowa o Debleskro Ducho an mande. Un me haiwau gar, hoi me penom.

Remarja 15:29

Un me djinau, te wau pash tumende, anau tumenge i tseli bacht, hoi wella o Jesus Kristestar.

Remarja 15:2

Hakeno mendar hunte djiwell jaake, te dikell o wawar latches ap leste un well sorleder an o patsepen.

Remarja 12:7

Wawar patsle haiwenn, har te wenn le nai i wawarenge koi. Koi budi hunte krenn le. Wawar haiwenn i menshenge o Debleskro drom te sikrell. Kolla hunte krenn kowa ninna.

Bičepangre 20:28

Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Bičepangre 1:25

te penell job i menshenge o latcho lab o Jesus Kristestar un krell koi budi, hoi o Judas mukas. Kowa mukas men un djas peske.”

Bičepangre 1:17

Job his jek mendar. O Jesus rodas men khetne win, te was mer leskre bitchepangre.

2. Timoteo 4:11

O Luka atchas kokres pash mande. Te weh tu pash mande, an o Markes tuha! Job nai budrell mange.

Efesarja 4:29

Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Efesarja 4:4

Tumer patsle han jek familja. Tumen hi o emligo Debleskro Ducho an tumende. Un o Dewel das tumen gole, te djiwenn tumer lauter leha khetne.

2. Korintarja 13:9

Ninna te ham mer gar sorelo, ham bachtelo, te han tumer sorelo. Mer kamah, te wenn tumer an o tchatchepen glan o Debleste tardo, un kowa mangah lestar.

1. Korintarja 12:7

An hakeneste budrell o Debleskro Ducho jaake, kai hi kowa i tsele patslenge mishto.

Remarja 12:5

Jaake ham mer bud patsle un djah khetne ap o Jesuseskro drom, un jaake hi jek o wawareske koi.

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!