Efesarja 3:19 - O Debleskro Drom 2021 (Sinte)

¹⁹ ninna te hi leskro kamlepen bareder har lauter, hoi an mare shere dren djala. Te haiwah leskro kamlepen bud un budeder, palle djiwell o Dewel bud un budeder an mende.

O Debleskro Lab 2024 (Sinte-Manouche)

¹⁹ ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Efesarja 3:19 Referans Kwoze

Efesarja 1:23

Kolla hi leskre. Job djiwell an lende peskri tseli sorjah. Un leskri tseli soor hi an halauter an o bolepen un ap i phub.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

Johanni 1:16

Mer halauter lam pale un pale bud latchepen lestar, kai les jaake bud hi.

Filiparja 4:7

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Efesarja 3:18

Jaake nai haiwenn tumer i tsele patslentsa, har baro o Jesus Kristeskro dji tumenge hi,

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Mateo 5:6

Bachtele hi kolla, kai kanna pal o tchatchepen bokenna un trushenna. O Dewel krell len tchalo.

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Filiparja 1:7

Me nai sharau tumen jaake. Tumer han an miro dji un rikrenn mantsa khetne, ninna kanna, kai hom an o stilepen, un penau o latcho lab o Jesus Kristestar glan i tchatchepangre un sikrau lende leskro drom jaake, te djinenn le o tchatchepen.

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Remarja 8:35

Tchi nai lell mendar o Jesus Kristeskro kamlepen krik! Kek duka, kek daar. Ninna te lenn le men palla, ninna te hi men tchi te chal un tchi an-ripaske, ninna te kamenn le men tchilatchepen te krell, ninna te marenn le men, ko tselo koowa nai lell gar o Jesus Kristeskro kamlepen mendar krik.

Remarja 8:39

tchi, hoi pral an o bolepen hi un tchi, hoi tele an i phub hi, un kek wawar, hoi djiwella, nai krell, te kamell men o Dewel buder gar. Kowa, hoi maro rai, o Jesus Kristo, menge kras, sikrell men, har baro o Debleskro kamlepen hi.

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.