Efesarja 2:15 - O Debleskro Drom 2021 (Sinte)

¹⁵ Har job ap o trushel meras, tchiwas lo o Moseskre lila ap i rig, kai tchinlo hi, har i bibolde hunte djiwenna. Job kras tchomone newes, te well i biboldo khetne koleha, kai kek biboldo hi, un te wenn le lauter mala.

O Debleskro Lab 2024 (Sinte-Manouche)

¹⁵ Har yob ap o troushel meras, čivas lo o Moseskre lila ap i rig, kay činlo hi, har i bibolde hounte djivenna. Yob kras čomone neves, te vell i biboldo khetne koleha, kay kek biboldo hi, oun te venn le lauter mala.

Efesarja 2:15 Referans Kwoze

Kolossarja 2:14

Har kram tchilatcho koowa, his kowa jaake, har te wals mari doosh an i liil tchinlo. Ko liil las lo, un tchiwas les ap o trushel.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Hebrearja 8:13

Te penell o Dewel kate: Me krau i newo drom, jaake hi kowa, hoi job o Moseha win kras, i phuro drom. Un kowa, hoi hi phuro un buder tchi moldo, well krik lino.

Kolossarja 3:10

Djiwenn kanna o newo djipen! Mukenn tumen o Deblestar bud un budeder newes te krell, jaake te prindjrenn o Debles feteder un djinenn, hoi job kamella! Palle wenn tumer jaake har job, kai tumen o newo djipen das.

Kolossarja 2:20

Tumer meran o Jesus Kristeha. Doleske hi i phubjakro koowa buder gar o rai pral tumende. Hoske rikrenn tumen gomme ap kol menshengre laba, kai penenn tumenge:

Galatarja 6:15

Hi tchi moldo, te hal tu ap o mass tchinlo. Hi witar tchi moldo, te hal tu gar ap o mass tchinlo. Jek koowa molella: O Dewel kras dran mende newe menshe.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Efesarja 4:16

Job rikrell len khetne jaake, te well jek patslo i wawareha khetne anlo. Un jek patslo hidjrell o wawares jaake, har les i soor hi. Mer te ham jaake kamlo, ko jek ap o wawareste, palle well o Debleskri familja baro un sorelo.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

Hebrearja 9:23

O Debleskro tikno kheer ap i phub un lauter, hoi kote dren hi, sikrell mende i tikno kotar ko Debleskro kherestar, hoi hi an o bolepen. O Debleskro tikno kheer ap i phub hunte was i viechengro rateha djudjo un erligo kerdo. An o Debleskro kheer an o bolepen djas jek, koleskro rat hi latcheder har i viechengro rat.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Efesarja 2:14

Job anas i bibolden khetne kol menshentsa, kai kek bibolde hi, te wenn le mala, un las o tchingepen lendar krik, hoi mashkral lende his.

Efesarja 2:16

Har meras lo ap o trushel, anas lo kol dujen khetne o Debleha, te wenn le leskre mala. Kote las lo o tchingepen lendar krik, hoi mashkral lende his.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

Kolossarja 3:15

O Jesus Kristo das tumen pash peste gole, te djiwenn lauter leha khetne. Djiwenn kanna jaake, te han tumer jek dji un jek djipen! Un parkrenn tumen pash o Debleste!