Efesarja 1:17 - O Debleskro Drom 2021 (Sinte)

¹⁷ te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

O Debleskro Lab 2024 (Sinte-Manouche)

¹⁷ te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

Efesarja 1:17 Referans Kwoze

Jesaja 11:2

Un ap koleste well o ducho o baro Deblestar tchiddo, un dell les o goswepen, te haiwell lo bud koowa, un djinell, hoi te krell lo. Ko Debleskro ducho dell les ninna i soor koleske, un sikrell les, har o baro Dewel hi, un har te djiwell lo leha.

Gosewe laba 2:5

Palle haiweh, har nai djiweh o baro Debleha, un prindjreh les bud un budeder.

2. Petro 1:3

Job hi baro un railo, un his menge latcho, un das men pash peste gole. Har lam les an maro dji pre, das men o Dewel an peskri soor halauter, hoi men hunte well, te djiwas maro djipen jaake, har job kamella.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

1. Korintarja 2:10

Men das o Dewel peskro Ducho. Un o Ducho sikrell men kowa, hoi hi o Debles an o dji. O Debleskro Ducho dikell an halauter, ninna an o Debleskro dji.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

Efesarja 3:5

An o phuro tsiro djinan i menshe kowa gar. Kanna djinenn les o Debleskre bitchepangre un rakepangre. Lenge tchiwas les o Debleskro Ducho an o dji.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Bičepangre 6:10

O Debleskro Ducho das les goswepen, te nai rakras kek lendar leske pale.

Mateo 6:13

Ma muk men tiro dromestar tele te djal! Le men dran o bengeskro wast win!

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

2. Korintarja 12:1

Tumer kamenn, te sharap man, ninna te molell kowa tchi. Jaake kamau te rakrap pral o bolepaskro koowa, hoi o Jesus Kristo i menshes mukell te dikell.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Debleskri gili 24:7

Krenn i bare wudja buchles pre! Awa, krenn kol phure wudja bares pre, te nai djal o baro rai dren, kones o tselo railepen hi.

1. Korintarja 12:8

Ko jekes dell o Debleskro Ducho i gosewo lab, un i wawares, te haiwell lo, hoi o Dewel kamella. Un job penell kowa i wawarenge dureder. Hi jek Debleskro Ducho, kai kowa lauter krella.

1. Korintarja 2:8

Kowa prindjran i raja ap kai phub gar. Te nai dikans le an o Debleskro dji, dans le o Jesuses, ko rajes pral i tsele rajende, gar ap o trushel.

Remarja 15:6

Palle nai sharenn tumer o baro Debles halauter khetne. Job hi o dad maro rajestar, o Jesus Kristestar.

Johanni 16:3

Jon prindjrenn o dades gar un man witar gar. Doleske krenn jon kowa.

Daniel 10:1

An ko tsiro, har o Kirus an o triinto bersh o baro rai his pral o them Persia, las ko Daniel, kai ninna Beltsazar kharella, i lab o Deblestar. Un kowa, hoi leste siklo was, well tchatchepah un rakrell i pharo tsirestar. Un job rodas te haiwell lo les, un dikas an i dikepen, hoi kowa kamell te penell. [Job ginell dren:]

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Johanni 14:17

Kowa hi o Debleskro Ducho, kai penell i menshenge o tchatchepen pral o Debleste. Kolla, kai patsenn gar ap o Debleste, nai lenn les gar. Jon dikenn les gar un prindjrenn les gar. Tumer prindjrenn les. Job atchell pash tumende, un hi an tumende.

Mateo 16:17

Penas o Jesus ap leste: “Bachtelo hal tu, Simon Bar-Jona. Kol laba, hoi tu pral mande penal, kolla wan gar tutar, witar gar wawar menshendar. Miro dad an o bolepen sikras tut kowa.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Jeremia 9:24

Shunenn, penell o baro Dewel, ko tsiro well, kai dau hakenes i phagi, kai tchinlo hi ap peskro mass, un djiwell, har te wals lo gar tchinlo:

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Debleskri gili 24:10

Koon hi kau baro rai, kones o tselo railepen hi? Kowa hi o baro Dewel, ko rai pral o bolepen un i phub. Job hi o baro rai, kones o tselo railepen hi.

Debleskro tsiro 7:12

Un jon penan: “Hi mishto, te giwas mer gilja maro Debleske, hoi les hadenna, un hoi les bares krenna. Leskro railepen un goswepen hi baro. Un les hi bari soor. Hi mishto, te parkras men pash leste, un te sharas les, kanna un hako tsireske. Amen!”

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

Daniel 5:11

Koi hi i mursh an tiro them, an koleste hi o ducho i bolepangre deblendar. An kol diwessa, har tiro dad o baro rai his, sikras pes, kai an leste jaake bud goswepen hi har i deblen hi. Job haiwell un djinell, hoi kek wawar haiwell un djinell. Un tiro dad Nebukadnezar tchiwas les pral i tsele durkepangre un drawepangre un pral kolende, kai an i bolepangre momlia drawerenn, un kai i mulen putchenn.

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!

1. Korintarja 14:6

Kanna, mire phrala, har wals kowa, te woms me pash tumende, un rakroms an i rakepen, hoi kek haiwella? Kowa molals tumenge tchi. Tumenge hi budeder moldo, te rakrap an i rakepen, hoi tumer haiwenna, un te penap tumenge, hoi o Dewel mande sikras, un hoi lestar djinau. Un tumenge hi ninna budeder moldo, te penap tumenge i lab, hoi wella o Deblestar, un te sikrap tumen, har te djan ap o Debleskro drom.

Louka 12:12

O Debleskro Ducho sikrell tumen ap ko tsiro, hoi tumer hunte penenna.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Debleskri gili 29:3

O baro Debleskro rakepen well shunlo pral i panja. Te dell o sorelo Dewel gole, hi kowa har koi bari gole, hoi dell o bolepen, te dell baro brishin. O baro Dewel hi o rai pral i tsele bare panja.

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Bičepangre 7:2

Koi penas o Stefano: “Tumer phrala un dada, shunenn! Maro baro un railo Dewel mukas pes maro dadestar Abraham te dikell an o them Mesopotamia. Ap ko tsiro djiwas o Abraham gomme gar an o foro Haran.

2. Mose 28:3

Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

Hiob 42:5

Ap ko tsiro djinom tchi tutar, har kowa hoi mange penlo was. Kanna dikom tut mire jakentsa.

Gosewe laba 18:15

I gosewo mensho kamell bud te djinell, un krell peskre kanda pre, te haiwell lo, hoi tchatcho hi.

Efesarja 4:13

Kowa te well jaake, palle ham mer lauter khetne an jek patsepen, un prindjrah o Debleskro tchawes mishto. Bud un budeder haiwah, hoi job mendar kamella, bis te djiwah jaake har job djiwas.

Filiparja 3:15

Koon prindjrell kowa lauter, hunte djiwell jaake. Te haiwell jek tumendar tchomone wawartchandes, pale sikrell les o Dewel, har kowa tchatcho hi.

Mateo 20:33

“Rai!” penan le, “mer mangah tut: Kre mare jaka sasto, te dikas nai pale!”