Efesarja 1:14 - O Debleskro Drom 2021 (Sinte)

¹⁴ Kanna hi men o Debleskro Ducho an mende. Un doleske djinah, te lah budeder latcho koowa ap ko diwes, kai wah newes kerdo an o bolepen. Doleske sharas mer maro baro Debles!

O Debleskro Lab 2024 (Sinte-Manouche)

¹⁴ Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:14 Referans Kwoze

2. Korintarja 5:5

O Dewel das men gole, te las ko newo djipen an o bolepen, un job das men peskro Ducho, te djinas, kowa well jaake.

2. Korintarja 1:22

un das men peskro Ducho. Ko Ducho, hoi an mende hi, sikrell men, kai ham leskro. Doleske djinah, job dell men gomme bud bareder latcho koowa an ko tsiro, hoi wella.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

Bičepangre 20:32

Me tchiwau tumen kanna an o Debleskro wast, te dell job jak ap tumende. Atchenn pash o Debleste un pash leskro lab! Leskro lab sikrell tumende o Debleskro latchepen. Les hi i soor, te krell lo tumen soreles an o patsepen. Un o Dewel dell tumen jek brawlepen an o bolepen. Kowa hi o djipen, hoi gar pre-herella. Kowa dell job lauterende, kai leskre tchawe hi.

Debleskri gili 78:54

Job anas len an o them, hoi job peske wi-rodas, pash kai berga, hoi job peskri sorjah dren las.

Debleskri gili 74:2

Ma biste gar, te ham kol menshe, kai tu tuke glan i rah tsiro wi-rodal. Tu ginal men win dran i wasta kolendar, kai men tele rikran. Tu kamal, te was mer tiro. Ma biste i berga Zion, hoi tuke wi-rodal, te djiwess kote.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Bičepangre 20:28

Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Louka 21:28

Te dikenn tumer, har kowa lauter wella, awenn soreles un trashenn gar! I tsiro hi palle koi, kai o Dewel lell tumen dran o tchilatchepen un dran o merepen win.”

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.