Daniel 9:21 - O Debleskro Drom 2021 (Sinte)

²¹ koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

O Debleskro Lab 2024 (Sinte-Manouche)

²¹ koy vas ap yek kopo ko morsh Gabriel ap čirklengre moussya pash mande dren. Koles dikom an o dikepen ap ko tsiro, kay rati o Debleske i firho anlo vell.

Daniel 9:21 Referans Kwoze

Louka 1:19

O bolepaskro penas ap leste: “Me hom o Gabrijel, un me hom glan o Debleste tardo. O Dewel bitchras man pash tute, te penap tuke kowa.

Daniel 8:16

Un me shunom jekes gole te dell pral ko pani Ulai, jaake har i mensho gole dell. Un kowa penas: “Gabrijel, pen leske, hoi job kate dikas, te haiwell lo les!”

Daniel 10:16

Koi was ko jek, kai win dikas har i mensho, un tchiwas peskro gushto ap miro mui. Un me krom miro mui pre, un rakrom, un penom ap koleste, kai glan mande tardo his: “Miro rai, har dikom ko dikepen, tapras man sawi daar, te atchas kek soor an mande.

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

Daniel 10:18

Kote tapras man kowa pale an, kai win dikas har i mensho, un das man pale soor,

Daniel 8:18

Un har job jaake mantsa rakras, homs tchiddo har mulo ap miro mui ap i phub. Un job tapras man un tchiwas man pale ap mire herja, te homs pale tardo.

Jesaja 6:2

Jagengre bolepangre his pral leste tardo, hakenes lendar his shob mussja har tchirklengre mussja: dujentsa tchakran le pengre jaka, dujentsa tchakran le pengre pire un dujentsa hadan le pen an o bolepen.

Debleskri gili 103:20

Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

2. Mose 29:39

ko jek bakro taissarlakro un ko wawar bakro ap i rat.

Hebrearja 1:7

Pral peskre bolepangre penas lo: Jon hi mire budepangre, sik har i ducho, hoi phurdell pral i phub, un sorelo har i jag.

Bičepangre 12:7

Ap jek kopo his an ko stilepen i soreli momeli, un o Debleskro bolepaskro his koi tardo, un das o Petres an i rig, djangras les pre, un penas: “Ste sik pre!” Un kol sasterne shelle peran leskre wastendar tele.

Bičepangre 10:9

O wawar diwes, har jon pash o foro Joppe wan, djas o Petro ap o kheer pral pre, te mangell lo o Debles an. His chapaskro tsiro.

Bičepangre 3:1

His jek diwes, his trinenge, koi djan o Petro un o Johanni an o Debleskro baro kheer, te mangenn le o Debles an.

Mateo 27:46

Un har trinenge his, das o Jesus bari gole: Eli, Eli, lema sabachtani? Kowa kharella: Miro Dewel, miro Dewel, hoske mukal man tu?

Daniel 10:10

Un i wast tapras man. Un mire wasta un tchanga trissan.

Ezekiel 1:14

Kol bolepangre nashan sik jek rigjatar ap i wawar, te dikas kowa win, har te dell jag karje ap o bolepen.

Ezekiel 1:11

Dui lengre tchirklengre mussja his buchles rikedo un pre hadedo. Un i mussi jekestar tapras koi mussi ko wawarestar. Kol dui wawar tchirklengre mussjentsa tchakran le pen.

Debleskri gili 104:4

O ducho, hoi phurdell tel o bolepen, hi tiro bitchepaskro. Un i jag hi tiro budepaskro.

Louka 1:26

Ap ko tsiro har i Elisabet o shobto tchon an wawar koowa his, bitchras o Dewel o bolepaskres, o Gabrijeles, pash i terni tchate. Lakro lab his Maria. Joi djiwas an o foro Nazaret. Kowa hi i foro an o them Galilea. Un kolakro pirno kharas Josef. O Josef his o Davideskre menshendar.

Debleskro tsiro 9:17

Un me dikom kol grajen un kolen, kai ap lende klissenna. Kolengre sasterne gada his lolo har i jag un blaueto un djelto. I grajen his shere har bare diwje margodja. Un dran lengre muja was jag un khand, hoi marella.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

Ezekiel 14:14

Ninna te wans kal triin mursha an ko them, o Noah, o Daniel un o Hiob, palle lans jon kokres pengro djipen dran o merepen win, kek wawar lentsa. Jon djiwan an o tchatchepen. Doleske loms len kokres dran o merepen win. Kawa penau me o baro Dewel, tumaro rai.

1. Rajengro liil 18:29

Har o mashkral-diwes trujel djas, his jon buder gar pash pende, un khelan bis ap ko tsiro, kai rati o Debleskro chapen anlo well. Kek rakepen was, kek lab, witar kek sikepen.