Daniel 8:14 - O Debleskro Drom 2021 (Sinte)

¹⁴ Un job penas mange: “Jaake rah har 2.300 (dui-serja-triin-sheel) kope rati un pale diwes was. Palle well lauter an o Debleskro kheer newo kerdo.”

O Debleskro Lab 2024 (Sinte-Manouche)

¹⁴ Oun yob penas mange: “Yaake rah har 2.300 (douy-zerya-triin-sheel) kope rati oun pale dives vas. Palle vell lauter an o Debleskro kheer nevo kerdo.”

Daniel 8:14 Referans Kwoze

Daniel 12:7

Un me shunom ko murshes, kai an laintikre koola rido his, un pral ko lengsto pani tardo his. Un kowa hadas peskro tchatcho un peskro serwo wast pre ap o bolepen, un das pes sowel pash koleste, koleskro djipen gar pre herella, un penas: “Jek tsiro un dui tsirja un i paash tsiro. Un ap ko tsiro, kai o Debleskre menshe pale khetne djiwenna, un buder gar kate te kote tradedo hi, palle hi kowa lauter kerdo.”

Daniel 7:25

Un job praassell o pralstuno Debles un tchiwell pharo koowa ap o Debleskre menshende. Un krell lauter, te wenn o Debleskre diwessa un laba wawartchandes rikedo. Un o Debleskre menshe wenn an leskro wast dino jek tsireske un dui tsirenge un i paash tsireske.

Daniel 12:11

Un ko tsirestar, kai anenn le buder gar hako diwes viechen o Debleske, un kai tchiwenn le koi djungeli tchilatchi figura pre, hi 1.290 (jek-sero-dui-sheel-te-enja-deesh) diwessa.

Jesaja 45:25

O baro Dewel tchiwell o tselo Israel an o tchatchepen. Un jon wenn bachtelo pral kowa, hoi me, o baro Dewel, krom.

Debleskro tsiro 12:14

Un koi djuwjake wan tchirklengre mussja dino, har i baro tchirkles hi, te nai djal li an o mulo them ap ko kotar phub, kai joi nai djiwella dur krik ko sapestar. Kote atchell li triin-te-paash bersha. Un kote lell li halauter te chal un te pijell.

Daniel 8:26

Un kau dikepen, hoi dikal, un kowa hoi tuke penlo was pral kol viechende, hoi o Debleske buder gar haki rati un haki tsalla anlo wan, kowa hi o tchatchepen. Hi gomme i rah tsiro, bis te kowa jaake wella. Doleske rike les khatedo un ma rake kolestar!”

Jesaja 1:27

Tumer menshe an Zion, te djiwenn pale pal o tchatchepen, un djan pale ap o Debleskro drom, plaissrom tumenge, te wenn win lino dran o pandepen.

Debleskro tsiro 13:5

Un o viecho rakras un phurdas pes pre un praassas o Debles. Star-deesh-te-dui (42) tchonna nai kras o viecho kowa.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Galatarja 3:8

O Debleskro lab penas glan i rah tsiro, kai o Dewel ninna kolen tchatcho krella, kai kek bibolde hi, te patsenn le ap leste. Doleske penas lo ap o Abrahameste: Kai bacht, hoi me dau tut, djal dureder ap i tsele menshende ap i phub.

1. Mose 1:5

Un o Dewel das o diwes ko lab ‘diwes’ un ap i rati penas job ‘rati’. Jaake was rati un pale taissarlakro. Kowa his o ersto diwes.

Daniel 12:12

Bachtelo hi kowa, kai win rikrell bis te 1.335 (jek-sero-triin-sheel-te-trijanda-te-pantch) diwessa trujel hi.