Daniel 8:12 - O Debleskro Drom 2021 (Sinte)

¹² Un i bolepangre lurde wan dino an leskro wast. Un kol vieche, hoi o Debleske hako diwes dino hunte wans, wan leske buder gar anlo, jaake te was o Dewel buder gar sharedo. Un ko shing witsras o tchatchepen ap i phub. Un lauter, hoi kras o shing, djas leske mishto.

O Debleskro Lab 2024 (Sinte-Manouche)

¹² Oun i bolepangre lourde van dino an leskro vast. Oun kol firhe, hoy o Debleske hako dives dino hounte vans, van leske bouder gar anlo, yaake te vas o Devel bouder gar sharedo. Oun ko shing vitsras o čačepen ap i phoub. Oun lauter, hoy kras o shing, djas leske mishto.

Daniel 8:12 Referans Kwoze

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jesaja 59:14

Mer dam i wawaren gar lengro tchatchepen, un bud kope rakram gar o tchatchepen pral lende win. Ap i parepaskri platsa ginam un bikram o chochepah, un tchatcho rakepen hatseh kote gar.

Debleskro tsiro 13:7

Un o Dewel mukas o vieches te kurell lo pes o Debleskre menshentsa, un mukas, te well lo sorleder har jon. Un kol vieches was i soor pral i menshende dran hake themma, haki natsjona, haki harmenatsjona un hako rakepen.

Daniel 11:28

Un ko baro rai dran o them Syria krell pes ap o drom, te djal lo pale khere an peskro them, un lell i baro brawlepen peha. Un job rodell, har te krell lo o patsepen o Debleskre menshendar paash. Un ap o drom khere krell lo, hoi las lo pes glan. Un palle djal lo an peskro them pale.

Daniel 8:4

Un me dikom, har das ko bakro peskre shingentsa ap kol triin rigja: kote, kai o kham tele djal, un kote, kai o kham gar well, un kote, kai lo pralstunes tardo hi. Un kek viecho his sorleder har ko bakro. Un koon an leskre wasta peras, koles nai las kek win. Un ko bakro kras, hoi job kamas, un was pre-phurdo.

Debleskri gili 119:142

Tiro tchatchepen atchella hako tsiro, un tiro drom hi tchatcho.

Debleskri gili 119:43

Kre te penap hako tsiro o tchatchepen! Me dikau ap tute, har tu o tchatchepen an o wast leh.

Hiob 12:6

I khera kolendar, kai i wawaren sorjah tele rikrenn, hi soreles tardo. Un kek krell kolenge daar, kai krenn sawo koowa te well o Dewel chojedo, Jon patsenn, te hi len o Dewel an pengro wast.

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

Debleskri gili 28:5

Jon dikenn gar ap kowa, hoi o baro Dewel krell, witar gar ap kowa, hoi job peskre wastentsa kras. Doleske witsrell lo len ap i phub, te nai stenn le buder gar pre.

Daniel 7:21

Un me dikom, har djas ko shing an o marepen un kuras pes i Debleskre menshentsa, un his sorleder har jon, un das len,