Daniel 7:28 - O Debleskro Drom 2021 (Sinte)

²⁸ Kawa hi, hoi me dikom. Mange, o Danieleske, kras kawa bari daar. Un me wom parno an o mui i trashatar, un rakrom kekeha pral kau koowa.

O Debleskro Lab 2024 (Sinte-Manouche)

²⁸ Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Daniel 7:28 Referans Kwoze

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Louka 2:19

I Maria rikras kol tsele laba an peskro dji un mukas len an lakro shero trujel te djal.

Daniel 10:8

Un me atchom kokres koi, un dikom ko baro dikepen. Un i tseli soor an mande djas krik; miro mui was parno, un kek soor his buder an mande.

Daniel 8:27

Un man, o Danieles, his buder kek soor, un me homs diwessa nasselo. Un pal kowa stom pale pre, un krom miri budi pash o baro rajeste. Un ko dikepen, hoi dikom, kras mange daar un nai haiwom les gar.

Daniel 7:15

Mange o Danieleske, was miro ducho an mande pharo, un kowa hoi dikom, kras mange bari daar.

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

Louka 9:44

“Ma bistrenn, hoi me tumenge penau: Me, o Mensheskro Tchawo, wau an i menshengre wasta dino!”

Markus 9:15

Un har kol bud menshe o Jesuses dikan, kran le bare jaka. Jon nashan pash leste un penan: “Latcho diwes!”

Daniel 12:13

Un tu, Daniel, atch o Debleha tiro tselo djipen! Un palle sob! Te hi kai phubjakro tsiro trujel, steh tu pale pre o djipaske un leh tiro brawlepen.”

Daniel 12:9

Un job penas: “Dja koi, Daniel! Kal laba atchenn khatedo un dre-pandlo, bis te well ko tsiro, kai i phub buder gar rah koi hi.

Daniel 11:27

Un kol dui bare raja hi ap tchilatchepen win. Un jon beshenn pen ap jek chapaskri un rakrenn khetne. Un lengro rakepen hi chochepen. Kowa, hoi le penge glan lenn, djal lenge gar. Ko diwes hi gomme gar koi, kai o tsiro kai phubjake trujel hi.

Daniel 8:19

Un job penas ap mande: “Shun, me kamau tute te sikrell, hoi well an ko tsiro, kai o Debleskri choli pral i menshende well. Kowa hi ko tsiro, kai o tsiro kai phubjake tele nashell.

Daniel 8:17

Un o Gabrijel was pash mande, kai me tardo homs. Un i daar tapras man jaake soreles, te perom ap i phub. Job penas ap mande: “Tu mensho, de jak un shun! Kowa hoi dikal, kowa hi ko tsireske, kai o tsiro kai phubjake tele nashell.”

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

1. Mose 37:10

Har job kowa peskro dadeske un peskre phralenge penas, tchingras leskro dad ap leste un penas: “Hoi dal tu suni? Hunte witsrap man me, tiri dai un tire phrala glan tute tele?”

1. Mose 37:11

Un leskre phrala dikan tchilatche jakentsa ap leste. Leskro dad rikras kol laba an peskro dji.

Daniel 8:1

An ko tsiro, har o Belsazar an o triinto bersh baro rai his, dikom me, o Daniel, i dikepen, jaake har glan kowa dikom.

Daniel 10:16

Koi was ko jek, kai win dikas har i mensho, un tchiwas peskro gushto ap miro mui. Un me krom miro mui pre, un rakrom, un penom ap koleste, kai glan mande tardo his: “Miro rai, har dikom ko dikepen, tapras man sawi daar, te atchas kek soor an mande.

Daniel 4:16

Un o Daniel, koleskro lab ninna Beltsazar his, his koi tardo un penas nai kek lab. Koi suni his leske har i dap. Un kowa, hoi leske pashel an leskro shero trujel djas, kras leske bari daar. Kote penas o baro rai ap o Beltsazar: “Kai suni, un hoi joi kamell te penell, hunte krell tuke kek daar!” Un o Beltsazar penas: “Miro rai, kai suni te djal ap kolende, kai kamenn tuke tchilatchepen! Un kowa, hoi koi suni kamell te penell, te djal ap kolende, kolentsa an o tchingepen hal!