Daniel 7:24 - O Debleskro Drom 2021 (Sinte)

²⁴ Un kol deesh shinga hi deesh bare raja, kai lenn koi rajengri soor. Un pal lende well jek wawar rai. Un job hi wawartchandes har kolla glan leste. Un job witsrell triin lendar pengre beshepangre tele.

O Debleskro Lab 2024 (Sinte-Manouche)

²⁴ Oun kol deesh shinga hi deesh bare raya, kay lenn koy rayengri zoor. Oun pal lende vell yek vavar ray. Oun yob hi vavarčandes har kolla glan leste. Oun yob vitsrell triin lendar pengre beshepangre tele.

Daniel 7:24 Referans Kwoze

Daniel 7:20

Un ninna kamom te djinell, hoi kol deesh shinga ap leskro shero kamenn te penell, un ko wawar shing, hoi win was, un glan koleste kol triin wawar shinga win peran. Un kau shing his bareder har kol wawar. Un les his jaka un i mui, hoi baro koowa rakras.

Debleskro tsiro 13:1

Un me dikom dran o baro pani i vieches pre te well. Koles his deesh shinga un efta shere. Un ap haki shing hidjras lo i shereskro sonakai. Un ap leskre shere his sawe laba tchinlo, hoi praassenn o Debles.

Daniel 11:36

Un ko baro rai krell, hoi job kamell. Job hadell pes un patsell, te hi lo bareder har hako dewel. Ninna pral o pralstuno Debleste rakrell lo sawo koowa, hoi nai rakrell kek win. Un kowa krell lo jek tsireske, un djal leske mishto, bis te well o Debleskri choli pral leste. Palle krell o Dewel, hoi las lo pes glan.

Debleskro tsiro 17:3

Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.

Debleskro tsiro 12:3

Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.

Daniel 7:23

Un kowa, kai kote tardo his, penas mange: “O starto viecho hi i starto tsiro, kai bari rajengri soor ap i phub diklo wella. Koi rajengri soor hi wawartchandes har kolla, kai glan kowa his, un chal i tsele themma pre, stakrell len khetne un dell lauter paash.

Daniel 2:41

Tu dikal, kai i kotja i pirendar dran phubjakri tchik hi un wawar kotja dran saster. Kowa kamell te penell, koi hi budeder themma, hoi gar tchatchepah khetne rikrenna. Kai saster dren hi, kote hi le soreles.