Daniel 5:2 - O Debleskro Drom 2021 (Sinte)

² Un mates i moljatar penas lo, te anenn le kol sonakangre un rupene khore, hoi leskro dad Nebukadnezar dran o Debleskro kheer an o foro Jerusalem peha las. Dran kolende kamas lo te pijell khetne peskre bare murshentsa un peskre romjentsa un wawar djuwjentsa.

O Debleskro Lab 2024 (Sinte-Manouche)

² Oun mates i molyatar penas lo, te anenn le kol sonakangre oun roupene khore, hoy leskro dad Neboukadnezar dran o Debleskro kheer an o foro Yerusalem peha las. Dran kolende kamas lo te piyell khetne peskre bare morshentsa oun peskre romyentsa oun vavar djouvyentsa.

Daniel 5:2 Referans Kwoze

Daniel 1:2

Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

2. Rajengro liil 24:13

Un job las peske o tselo brawlepen, hoi his an o baro Debleskro kheer un an o rajeskro kheer. Un kol tsele sonakangre koola, hoi mukas o Israeleskro rai, o Salomo, te krell o baro Debleskro khereske, kowa mukas o Nebukadnezar khetne te dell. Lauter was jaake, har o baro Dewel les penas.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

2. Rajengro liil 25:15

Ninna kol jagakre tchare un kol bare tchare, kai o rat dren nashell, halauter, hoi dran sonakai un rup kerdo was, las ko pralstuno, o Nebusaradan, krik.

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

Daniel 5:13

Un o Daniel was glan o baro rajeste anlo. Un o baro rai putchas lestar: “Hal tu o Daniel, jek kolendar, kai o baro rai, miro dad, pandles dran o them Juda peha anas?

Daniel 5:11

Koi hi i mursh an tiro them, an koleste hi o ducho i bolepangre deblendar. An kol diwessa, har tiro dad o baro rai his, sikras pes, kai an leste jaake bud goswepen hi har i deblen hi. Job haiwell un djinell, hoi kek wawar haiwell un djinell. Un tiro dad Nebukadnezar tchiwas les pral i tsele durkepangre un drawepangre un pral kolende, kai an i bolepangre momlia drawerenn, un kai i mulen putchenn.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

Jeremia 52:19

Ninna kowa, hoi dran sonakai un rup kerdo his, las ko pralstuno, o Nebusaradan, peha: khore, tchare, an kolende o sungepaskro koowa chatchedo well, bare tchare, pirja, momelengre, roja un tikne tchare.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

2. Familjakro liil 36:18

Un o tselo koowa dran o Debleskro kheer, bare un tikne koola, ninna ko kutch koowa dran o baro Debleskro kheer un o brawlepen o baro rajestar un kol pralstunendar an o them, halauter mukas o Nebukadnezar an o foro Babilon te anell.

2. Familjakro liil 36:10

Un har o bersh trujel his, mukas les o Nebukadnezar an o foro Babilon te anell, un mukas leha bud kutch koowa dran o baro Debleskro kheer te anell, un tchiwas leskro kakes, o Zedekja, pral o them Juda un o foro Jerusalem, te well lo baro rai.

2. Familjakro liil 15:16

Un ninna kras o baro rai Asa, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

2. Familjakro liil 11:20

Pal late romedineras o Rehabeam i Maacha, kolakro dad o Abishalom his; koja anas o Abija, o Attai, o Sisa un o Shelomit ap kai phub.

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

Esra 5:14

Ninna kol sonakangre un rupene kotja, hoi tchoras o Nebukadnezar dran o Debleskro kheer an Jerusalem, un mukas len an peskro debleskro kheer te anell an o them Babilonia, kolen las o baro rai Kirus pale win, un das halauter ko mursheste Sheshbazar. Koles tchiwas lo pral o them Juda,

Jeremia 50:35

O baro Dewel penell: O charo mu wella pral o them Babilonia, un pral o foro Babilon peskre pralstunentsa un gosewe murshentsa!

Daniel 5:3

Un kote anan le kol sonakangre un rupene khore, hoi tchoredo wan dran o Debleskro kheer an o foro Jerusalem. Un o baro rai un leskre bare mursha un leskre romja un wawar djuwja pijan dran kol khore.

Daniel 5:30

An kai rat was o Belsazar, ko baro rai pral o them Babilonia, maredo.