Daniel 11:25 - O Debleskro Drom 2021 (Sinte)

²⁵ Un peskri tseli sorjah un bud lurdentsa djal lo an o kurepen o baro rajeha dran o them Egiptia. Un kowa anell gomme budeder lurden khetne un djal lentsa an o kurepen o baro rajeha dran Syria. Un chocheno koowa well wi-kerdo khatar o baro rajeste dran Egiptia. Doleske nai rikrell lo pes gar.

O Debleskro Lab 2024 (Sinte-Manouche)

²⁵ Oun peskri tseli zoryah oun boud lourdentsa djal lo an o kourepen o baro rayeha dran o them Egiptia. Oun kova anell gomme boudeder lourden khetne oun djal lentsa an o kourepen o baro rayeha dran Syria. Oun rhorheno koova vell vi-kerdo khatar o baro rayeste dran Egiptia. Doleske nay rikrell lo pes gar.

Daniel 11:25 Referans Kwoze

Daniel 11:2

Un job penas dureder: Un kanna penau, hoi tchatchepah wella an ko tsiro hoi wella. Shun, triin bare raja stenn pre jek pal o wawar an o them Persia. Pal lende well i starto, kai well brawleder har i tsele wawar. Un ko brawlepen krell les soreles. Un te hi les palle bud penepaske, krell lo wawaren diwjo, te djan le khetne leha an o kurepen o grichtikro themeha.

Gosewe laba 28:25

Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Gosewe laba 15:18

I mursh an koleste choli hi, anell tchingepen. Jek, kai gar sik chojedo well, kowa lell i jag dran o tchingepen.

Daniel 11:10

Un leskre tchawe djan an o kurepen, un anenn bud bud lurden khetne. Un jek lendar well har i sorelo pani pral o them, un djal kau kopo glan bis pash o sorelo foro o wawar baro rajestar.

Daniel 11:5

Un o baro rai pral o them Egiptia well bares un soreles. Jek leskre bare lurdendar well gomme bareder un well i baro un sorelo rai.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.