Čačepangre 8:21 - O Debleskro Drom 2021 (Sinte)

²¹ Kote penas o Sebach un o Zalmunna: “Ste tu pre un kre kowa kokres! Hawo mursh jek hi, sikrell pes an leskri soor.” Kote stas o Gideon pre, un das o Sebach un o Zalmunna temerl. Un djas koi un las kol sonakangre paash-tchonna hoi lengre khamelenge trul lengre menja hi.

O Debleskro Lab 2024 (Sinte-Manouche)

²¹ Kote penas o Zeba oun o Zalmunna: “Ste tou pre oun kre kova kokres! Havo morsh yek hi, sikrell pes an leskri zoor.” Kote stas o Gideon pre, oun das o Zeba oun o Zalmunna temerl. Oun djas koy oun las kol sonakangre paash-čonna hoy lengre khamelenge troul lengre menya hi.

Čačepangre 8:21 Referans Kwoze

Debleskri gili 83:11

Kolla wan mulo dino pash En-Dor, un atchan koi tchiddo, un wan tchik.

Jesaja 3:18

Ap ko tsiro lell o baro Dewel i djuwjenge ko tselo kutch koowa krik, koleha jon pen jaake shukar krenn, kol werklia, hoi tchiwenn le trul pengre pire, pengre sherja, pengre menja,

Čačepangre 8:26

Un kol sonakangre kanengre, hoi dan le o Gideoneske, his jaake biish kilogramme phares. Un kote his ko tselo wawar koowa gar pashel: kol tikne tchonna, kol kanengre un kol kutch lole ripja, hoi i bare raja dran o them Midian hidjran. Witar gar i werklia, hoi i khamele trul pengre menja hidjran, his kote pashel.

Debleskro tsiro 9:6

Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.

Debleskri gili 83:1

I gili o Asafestar.

1. Samuel 31:5

Un har ko hidjepaskro lurdo dikas, te hi o Saul mulo, mukas job pes ninna an peskro charo te perell un meras o Sauleha.

1. Samuel 31:3

Un o marepen trul o Saul was sorleder un sorleder. Un i kurepangre, kai denn i failentsa karje, hatsan les un dukran les phares.

Čačepangre 9:54

Koi das lo sik gole ap peskro budepaskro, kai leske o charo hidjrell, un penas ap leste: “Le tiro charo, un de man temerl, te penell kek mandar: ‘I djuwel das les temerl.’” Un leskro budepaskro das les tele tchurje, jaake te meras lo.

Čačepangre 8:20

Un job penas ap o Jeter, leskro phureder tchaweste: “Ste pre! Un de len temerl!” Ko tchawo las peskro charo gar glan. Job daras, fothe terno his lo.

Čačepangre 8:22

Un i mursha dran o Israel, penan ap o Gideon: “Ab tu maro rai! Tu un tire tchawe un kolengre tchawe wenn rai pral mende! Tu lal men dran i wasta kolendar dran o them Midian win.”

Josua 10:26

Un pal kowa mukas o Josua kol pantch rajen mulo te dell, un ap pantch ruka pre te bladell. Un jon atchan koi bis ap i rat.

Čačepangre 15:12

Jon penan ap leste: “Mer ham kai, te pandas tut, un te das tut an i wasta i Filistarendar.” Un o Simson penas ap lende: “Denn tumen sowel, te perenn gar tumer pral mande un denn man temerl.”

Debleskri gili 83:12

Kre lengre pralstunenge har kral kol murshentsa o Oreb un o Seeb. Ap lengre tsele rajende kre jaake har kral ap o Sebach un o Zalmunna.