Čačepangre 6:4 - O Debleskro Drom 2021 (Sinte)

^4-5 Jon anan pengre viechen un plachtene khera peha un his jaake bud har i stepangre. Kek djinas, har bud jon un lengre khamele hi, jaake bud his le. Un jon beshan pen ap o Israeleskro them un chan lauter pre, hoi kote bares was. An o tselo them bis pash o foro Gaza atchas kek chapen pral, witar kek bakre, grumja un burike. Jaake kran le o them paash.

O Debleskro Lab 2024 (Sinte-Manouche)

^4-5 Yon anan pengre firhen oun plarhtene khera peha oun his yaake boud har i stepangre. Kek djinas, har boud yon oun lengre khamele hi, yaake boud his le. Oun yon beshan pen ap o Israeleskro them oun rhan lauter pre, hoy kote bares vas. An o tselo them bis pash o foro Gaza ačas kek rhapen pral, vitar kek bakre, groumya oun bourike. Yaake kran le o them paash.

Čačepangre 6:4 Referans Kwoze

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

5. Mose 28:51

Un jon chan tumare viechen. Un halauter, hoi ap tumari phub bares was, chan le pre. Tumenge mukenn le tchi pral, kek djob, kek mool, kek djet un witar kek terne tumare grumjendar, bakrendar un busjendar. Jaake hunte merenn tumer i bokatar, bis te kek tumendar buder koi hi.

Micha 6:15

Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.

Gosewe laba 28:3

I tchorwelo mursh, kai was baro un rikrell i tchorwelen tele, hi har depen, hoi lauter krik thowell un o djob paash krell.

1. Mose 13:10

O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

1. Mose 10:19

Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

Obadja 1:5

Tchorepangre wenn rati pral tute un tchorenn tut win, bis te hi le doha! Hoi atchell tuke palle? Ninna kolla wenna pral tute, kai i drake tele lenna. Tuke mukenn le tchi pral!

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

Jeremia 5:17

Jon chan tiro djob un tiro maro, tire tchawen, tire tchen, tire bakren un grumjen, tire drake, tire faigetikre ruka. Tumer patsenn, te djal tumenge tchi an tumare sorele forja. Kolen lenn jon tumendar o chareha krik.