Čačepangre 6:21 - O Debleskro Drom 2021 (Sinte)

²¹ Palle hadas ko bolepaskro peskro kasht, hoi an leskro wast his, un tapras ko mass un kol mare an. Kote was jag dran ko baro bar win, un chatchras ko mass un ko maro pre. Un ap jek kopo his o baro Debleskro bolepaskro buder gar koi.

O Debleskro Lab 2024 (Sinte-Manouche)

²¹ Palle hadas ko bolepaskro peskro kasht, hoy an leskro vast his, oun tapras ko mass oun kol mare an. Kote vas yag dran ko baro bar vin, oun rhačras ko mass oun ko maro pre. Oun ap yek kopo his o baro Debleskro bolepaskro bouder gar koy.

Čačepangre 6:21 Referans Kwoze

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

2. Familjakro liil 7:1

Har o Salomo o baro Debleha rakras, har lo peskre tsele laba wi-rakras, peras i jag dran o bolepen un chatchras i marede viechen un kol kotja mass, hoi his tchiddo ap i chatchepaskri. Un o kheer was pherdo o baro Debleskro railepen,

1. Rajengro liil 18:38

Kote peras jag o baro Deblestar tele, un chas ko mass un ko kasht un kol barra un koi phub, un ninna o tselo pani, hoi trul i chatchepaskri his.

1. Familjakro liil 21:26

Un o David kras koi o baro Debleske i chatchepaskri, un anas viechen leske, sawen kai wan tseles chatchedo un sawen, kai chan le khetne glan o baro Debleste. Un har job o baro Debles an-kharas, mukas job jag dran o bolepen te perell ap i chatchepaskri, kai kol mule vieche tchiddo hi.

Čačepangre 13:20

Un har i jag ap o bar pre djas an o bolepen, koi djas o baro Debleskro bolepaskro ninna pre an koi jag. Un o Manoach un leskri romni dikan kowa, un witsran pen ap i phub ap pengro mui.

Čačepangre 6:20

Un ko Debleskro bolepaskro penas ap leste: “Le ko mass un kol mare un tchip len ap ko baro bar kote. Un tchore koi summi pral kowa!” Un job kras jaake.

Čačepangre 13:19

Kote las o Manoach i tikni busni, un koi pashel maro, maras lat, un chatchras i busni un o maro ap i baro bar o baro Debleske, kai sorelo koowa krella. Un o Manoach un leskri romni his koi pashel tardo un dikan kowa.

Jesaja 38:7

Kowa hi tuke ko sikepen o baro Deblestar, te djiness, kai o baro Dewel kowa rikrella, hoi lo penas.