Čačepangre 5:12 - O Debleskro Drom 2021 (Sinte)

¹² Dja glan! Dja glan, Debora! Dja glan, gib i gili! Dja glan, Barak, tu o Abinoameskro tchawo! Un le stildo kolen, hoi tu tapral!

O Debleskro Lab 2024 (Sinte-Manouche)

¹² Dja glan! Dja glan, Debora! Dja glan, gib i gili! Dja glan, Barak, tou o Abinoameskro čavo! Oun le stildo kolen, hoy tou tapral!

Čačepangre 5:12 Referans Kwoze

Efesarja 4:8

Doleske hi an o Debleskro lab tchinlo: Har job pre an o bolepen djas, las lo kolen peha, kai leskro wan, un das len i budi o Debleske te krell.

Debleskri gili 68:18

Bud serja wurdja hi o Debles. Lentsa was lo ap i berga Sinai, un djal dren an peskro kheer.

Debleskri gili 57:8

Sorelo was miro dji, miro Dewel, sorelo was miro dji. Me kamau tuke te giwell un te bashrell.

2. Timoteo 2:26

Jaake wenn jon pale dran o bengeskre wasta win, kai jon pandlo his. O beng tapras len, te kran le kowa, hoi job kamella.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

1. Korintarja 15:34

Djan o tchatcho drom! Ma pijenn tumen mato! Djiwenn buder gar an o tchilatchepen! Mank tumende hi menshe, kai djinenn gar, koon o Dewel hi. Un kowa penau tumenge, te ladjenn tumen.

Jeremia 31:26

Har djangrom un krom mire jaka pre, haiwom, kai miro sopen shukar his.

Jesaja 60:1

Ste pre, Jerusalem, ab railo har o kham! I newo diwes well tuke, un o Debleskro railepen djal pre pral tute.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jesaja 51:9

Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jesaja 14:2

Un menshe dran wawar themma anenn i Israelitarjen an ko them pale, hoi o baro Dewel len das. Un kol wi-themarja, mursha un djuwja, wenn lengre budepangre. Un kolla, kai i Israelitarjen pandles krik lan, kolen lenn jon pandles, un wenn i raja pral kolende, kai rikran len tele.

Debleskri gili 108:2

Miro Dewel, miro dji hi pale sorelo. Me kamau tuke te giwell un te bashrell, awa, kowa kamau me.

Čačepangre 5:13

Kol tchatche mursha, hoi pral atchan, djan tele pash pengre pralstunende. O baro Debleskre menshe djan mantsa khetne an o kurepen, te kurenn le pen leske.

Debleskri gili 57:9

Ste pre miro dji! Kamau te bashrap ap i dorjengre bashepangre. Kau diwes kamau me o khames pre te djangrell!