Čačepangre 3:8 - O Debleskro Drom 2021 (Sinte)

⁸ Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

O Debleskro Lab 2024 (Sinte-Manouche)

⁸ Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

Čačepangre 3:8 Referans Kwoze

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

Čačepangre 4:9

“Mishto”, penas li. “Me djau tuha. Ko jek djin, palle sharenn le gar tut an kau kurepen. O baro Dewel dell o Sisera an o wast i djuwjatar.” Un i Debora stas pre, un djas leha an o foro Kedesh.

Remarja 7:14

Mer djinah, o Moseskre laba wenna o Deblestar. Ninna djinah, mer ham menshe un pandlo ap o tchilatchepen.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Debleskri gili 85:3

Tu lal o tchilatchepen, hoi tire menshe kran, lendar krik! Lengri tseli doosh bistral tu.

Debleskri gili 6:1

I gili o rajeske pral i gipangre, te giwell pash o bashepen ap i bashepaskri ochta dorjentsa. O David kras kai gili.

1. Samuel 12:9

Jon bistran pengro baro Debles. Un job das len an i wasta kolendar, kai kuran pen lentsa: o Sisera, ko pralstuno lurdo o forestar Hazor, i Filistarja, un o rai pral o them Moab.

Čačepangre 2:20

Kote chatchras i choli o baro Deblestar pral o Israel pre. Un job penas: “Kal tchilatche menshe rikran pen gar ap mire laba, hoi me lengre phurende dom, un shunan gar ap mande.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

2. Mose 22:24

Te patseh lowe i tchorweleske mire menshendar, palle kre tut ap leste gar braweles! Un le lestar gar budeder pale, har les dal.

Čačepangre 3:7

Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.

Čačepangre 3:9

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Kowa his o Otnijel, koleskro dad o Kenas his. Koleskro phureder phraal his o Kaleb.

Čačepangre 3:10

Un o baro Debleskro ducho was pral leste, un job was o tchatchepaskro rai pral i Israelitarja. Un job djas win an o kurepen. Un o baro Dewel das o baro rajes pral o them Mesopotamia an leskro wast. Koleskro lab his Kushan-Rishatajim. Un o Otnijel was sorleder har job.

Debleskri gili 44:12

Har vieche, hoi wenn maredo, dal tu men pre. Un an i tsele themma trujel tradal tu men, jaake te atcham gar khetne.

Debleskri gili 129:1

I gili te giwell ap o drom an Jerusalem. Bud kope kran le mange o djipen phares jaake rah har djiwau, – kowa hunte penell o kheer Israel –

1. Mose 24:10

Pal kowa las o budepaskro deesh khamele un kutch koowa peskro rajestar peha, un djas an o them Mesopotamia an o foro, kai o Nahor djiwell.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

Debleskri gili 106:41

Job das len an o wast i menshendar an wawar themma, te wenn kolla rai pral lende, kai dikan tchilatche jakentsa ap lende.