Čačepangre 3:15 - O Debleskro Drom 2021 (Sinte)

¹⁵ Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Un kowa his o Ehud, leskro dad his o Gera, i Benjaminari. O Ehud his i mursh, kai i serwo wasteskro hi. Un i Israelitarja bitchran les, te anell job lengre lowe o baro rajeske pral o them Moab, kol lowe, hoi jon hunte leske dan.

O Debleskro Lab 2024 (Sinte-Manouche)

¹⁵ Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Oun kova his o Ehoud, leskro dad his o Gera, i Benyaminari. O Ehoud his i morsh, kay i servo vasteskro hi. Oun i Israelitarya bičran les, te anell yob lengre love o baro rayeske pral o them Moab, kol love, hoy yon hounte leske dan.

Čačepangre 3:15 Referans Kwoze

Čačepangre 3:9

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Kowa his o Otnijel, koleskro dad o Kenas his. Koleskro phureder phraal his o Kaleb.

Debleskri gili 78:34

Te anas lo o merepen pral lende, rodan le o Debles, un putchan pale pal leste.

Jesaja 36:16

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

1. Familjakro liil 12:2

Len his boge un faile, un haiwan mishto i failentsa karje te dell. Kowa nai kran le pengro tchatcho wasteha un pengro serwo wasteha. Kalla hi i laba kolendar, kai wan pash o Davideste dran o kheer Benjamin, kai ninna o Saul dran was:

Čačepangre 20:16

Un mank kol tsele lurdende his efta-sheel wi-rodede mursha, kai serwe-wastengre his. Kolen his witsepangre un nai ferdenn jaake mishto i bar, te djas lo hako kopo kote, kai lo hunte djal, ninna te wals kowa i bal.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Gosewe laba 21:14

Te hi jek chojedo ap tute, un tu deh les tchomone khatedo, kreh tu jaake, te djal leskri bari choli pale.

Gosewe laba 19:6

Bud makenn o braweleske gwin trul o mui, un hakeno hi o maal kolestar, kai dell tchomone tchitcheske.

Gosewe laba 18:16

I mensho, kai i wawaren shukar koowa dell, krell peske i wudja pre pash i pralstunende.

Debleskri gili 90:15

I rah tsiro hams tele rikedo. De men kanna jaake bud bachtele bersha, har hams an i bibacht.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

1. Samuel 10:27

Koi his ninna mursha, kai tchi-molde his. Kolla penan: “Har nai lell kawa mursh men win dran i bibacht?” Un jon dikan tele ap leste, un anan leske tchi. O Saul kras jaake har shunals lo kowa gar.

Čačepangre 3:14

Un i Israelitarja hunte budran o baro rajeske pral o them Moab 18 (deesh-te-ochta) bersha.

Čačepangre 3:16

Un o Ehud kras peske i tikno charo, i paash metari lengsto, hoi hake dui rigjendar tchinas. Un ko charo pandas lo tel peskre koola, ap leskri tchatchi rig.

Čačepangre 2:16

Un pale te pale mukas o baro Dewel tchatchepangre murshen pre te stell. Kolla lan len win dran o wast kolendar, hoi lendar tchoran.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

2. Samuel 20:9

Un o Joab penas ap o Amasa: “Har djal tuke, miro phraal?” Un o Joab tapras o tchatcho wasteha o Amaseskri tchor, te tchumrell lo les.

2. Samuel 20:10

O Amasa das gar jak ap koi tchuri an o Joabeskro serwo wast. Kowa das les ko tchurjeha an o per tchurje, jaake kai leskre buke ap i phub peran. Un das les gar i duito kopo tchurje. Un job meras. Un o Joab un leskro phraal Abishai lan o Shebaes palla.

1. Familjakro liil 8:3

O Bela, leskre tchawe his: o Addar, o Gera, o Abihud,

1. Familjakro liil 8:5

o Gera, o Shefufan un o Huram.

2. Familjakro liil 9:24

Un hakeno lendar, kai was, anas kutch koowa pash leste, rupeno un sonakaskro koowa, ripja un karmangre, sungepaskro djet, graja un maultikre burike. Kowa his hako bersh jaake.