Čačepangre 3:11 - O Debleskro Drom 2021 (Sinte)

¹¹ Un ko themeske Israel djas 40 (star-deesh) bersha latches un kek kurepen his an ko tsiro. Un palle meras o Otnijel, koleskro dad o Kenas his.

O Debleskro Lab 2024 (Sinte-Manouche)

¹¹ Oun ko themeske Israel djas 40 (star-deesh) bersha lačes oun kek kourepen his an ko tsiro. Oun palle meras o Otniel, koleskro dad o Kenas his.

Čačepangre 3:11 Referans Kwoze

Čačepangre 8:28

O Midian his jaake khetne dino, te his jon buder gar soreles doha, te kurenn le pen i Israelentsa. Jaake his kek kurepen an o them Israel 40 (star-deesh) bersha, jaake rah har o Gideon djiwas.

Čačepangre 5:31

Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.

Čačepangre 3:30

Un jaake his i Israelitarja ap kau diwes sorleder har i Moabarja. Un 80 (ochta-deesh) bersha his kek kurepen an o them.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Ester 9:22

te bistrenn le gar, kai an kol diwessa i bibolde win lino wan dran i tchilatche wasta, un kai kawa o tchon hi, kai was bacht dran lengre duka, un sapen dran lengro ropen. Doleske hunte rikrenn le kol diwessa bares, un wenn khetne, chan un pijenn un hi bachtelo. Un jek te dell o wawareste latcho chapen. Un ninna i tchorwele hunte wenn gar bistedo un hunte lenn tchomone.

1. Familjakro liil 4:13

O Kenas, les his kal tchawe: o Otnijel un o Seraja. I tchawe o murshestar Otnijel his: o Hatat un o Meonotai.

Čačepangre 3:9

Koi dan le ap o baro Debleste gole, te lell job len dran koleskre wasta win. Un o baro Dewel mukas i murshes pre te stell, kai lenge ap i rig was. Kowa his o Otnijel, koleskro dad o Kenas his. Koleskro phureder phraal his o Kaleb.

Josua 15:17

Kote las o Otnijel o foro dren. Koleskro dad his o Kenas, koleskro phraal his o Kaleb. Un o Kaleb das les peskri tchat Achsa, te well li leskri romni.

Čačepangre 3:10

Un o baro Debleskro ducho was pral leste, un job was o tchatchepaskro rai pral i Israelitarja. Un job djas win an o kurepen. Un o baro Dewel das o baro rajes pral o them Mesopotamia an leskro wast. Koleskro lab his Kushan-Rishatajim. Un o Otnijel was sorleder har job.

Čačepangre 3:12

Un i Israelitarja kran pale kowa, hoi tchilatches his an i jaka o baro Deblestar. Doleske kras o baro Dewel o baro rajes pral o them Moab sorelo, te djal job ap o Israel. Ko baro rai kharas Eglon.

Nehemia 9:28

Un har lenge pale mishto djas, kran le pale, hoi tchilatcho his glan tute. Un tu dal len an o wast kolendar, kai lenge tchilatchepen kaman. Un kolla wan i raja pral lende. Un jon dan pale gole ap tute, te wess ap lengri rig. Un tu shunal dran o bolepen, un an tiro baro latchepen lal len win dran lengre wasta. Un kowa kral tu bud kope jaake.