Biblia Todo Logo
Bib sou entènèt

- Piblisite -




Čačepangre 2:11 - O Debleskro Drom 2021 (Sinte)

11 Un koi kran i Israelitarja kowa, hoi tchilatches hi glan o baro Debleskre jaka. Un jon mangan ko debles an, hoi kharas Baal,

Gade chapit la Kopi

O Debleskro Lab 2024 (Sinte-Manouche)

11 Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Gade chapit la Kopi




Čačepangre 2:11
34 Referans Kwoze  

Un i Israelitarja kran pale kowa, hoi tchilatches his glan o baro Debleskre jaka. Un jon mangan i wawar deblen an: ko debles, kai kharell Baal, un i debletsa, kai kharell Astarte, un kol deblen, kai mangenn kol menshe an, kai djiwenn an Syria, an Sidon, an Moab, an Ammon un an Filistia. Un i Israelitarja mukan o baro Debles un mangan les buder gar an.


Un i Israelitarja kran, hoi tchilatches hi glan o baro Debleskre jaka. Doleske das o baro Dewel len efta bersha an o wast kol menshendar, kai kharenna Midianarja.


Un har o Ehud mulo his, kran i Israelitarja pale, hoi tchilatcho his glan i jaka o baro Deblestar.


Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.


Un har o Gideon meras, djan i Israelitarja o Debleskro dromestar tele un nashan pale kol deblenge palla, kai kharenn Baal. Un jon kran o debles Baal-Berit pengro dewel,


Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.


Un i Israelitarja kran pale, hoi tchilatches hi glan o baro Debleskre jaka. Un o baro Dewel das len an i wasta i Filistarendar. Un kolla his i raja pral lende star-desha bersha.


Doleske penell o baro Dewel, ko rai pral o bolepen un i phub, kai o Israeleskro Dewel hi: Me dau kal menshen shutlo senlepen chapaske, un pani, kolestar merenn le.


Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,


dran i familja Asgad: o Johanan, koleskro dad o Katan his, un khetne leha 110 mursha;


Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.


Na-a, job djas ap kol dromma, kai kol bare raja dran o them Israel ninna djan. Koi pashel kras lo figure, hoi o chocheno debles Baal sikran,


Un i Israelitarja tchiwan i chochene deblen krik, kai kharenn Baal un Astarte, un mangan kokres o baro Debles an.


Un kote dan i Israelitarja ap o baro Debleste gole un penan: “Mer kram tchilatchepen ap tute, te mukam tut, maro Debles, un mangam o debles Baal an.”


Un i Israelitarja kran pale kowa, hoi tchilatches his an i jaka o baro Deblestar. Doleske kras o baro Dewel o baro rajes pral o them Moab sorelo, te djal job ap o Israel. Ko baro rai kharas Eglon.


Un o Er his tchilatcho an o baro Debleskre jaka. Un o baro Dewel mukas les te merell.


Kol menshe an Sodom his tchilatcho un djiwan an baro tchilatchepen glan o baro Debleste.


O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.


Un an koi rat rakras o baro Dewel ap o Gideon: “Le i terno gurum tiro dadeskre viechendar, un le ninna i gurum, hoi efta bersha phuro hi! Un de koi chatchepaskri tele, hoi ap tiro dadeskro them tardo hi, kai chatchrenn le viechen lengro debleske Baal. Un de koi kashteni debletsa Ashera tele, hoi koi pashel tardo hi!


Un job kras, hoi tchilatcho hi glan i jaka o baro Deblestar, un djas ap i dromma peskro dadestar un peskri datar, un o baro rajestar Jerobeam, koleskro dad o Nebat his. O Jerobeam his kowa, kai anas i Israelitarjen o baro Debleskro dromestar tele.


Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.


Kolla hadan pen pale te pale ap o Debleste, ko pralstuneste, un kaman gar ap leste te shunell, un rikran gar leskre laba.


Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.


Jaake nashas o Israel o chocheno debleske, o Baal-Peor, palla. Koi was o baro Debleskri choli pral o Israel.


Te djiwan tumer an o them bud bersha un tumen hi tchawe un tchawengre tchawe kote, ma krenn tumenge i debleskri figura tchomonestar! Kowa wals tchilatcho glan i jaka o baro Deblestar. Te krenn tumer sawo djungelo koowa, krenn tumer les chojedo.


Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”


Koi dan le gole ap o baro Debleste, te well lo ap lengri rig, un penan: “Mer lam doosh ap mende, te djam krik tutar, baro Deblestar, un mangam kol deblen an, kai kharenna Baal un Astarte. Kanna le men win dran i wasta kolendar, kai men tele rikrenn. Palle wess tu kokres maro Dewel.”


Un o Salomo mangas i debletsa Astarte an, hoi his koi debletsa fun i Sidonarja. Ninna o debles Milkom mangas lo an, ko djungelo debles, koles i Ammonarja an-mangan.


un chatchras sungepaskro koowa an i tala, hoi kharell Ben-Hinnom. Ninna chatchras lo peskre tchawen i chochene deblenge. Jaake kras lo sawo djungelo koowa, har i menshe an wawar themma kran, – sawe menshe har kolla, kai o baro Dewel glan i Israelende dran o them tradas.


O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.


Palle hunte peness tu lenge: Tumare phure djan mandar krik, un nashan wawar deblenge palla. Jon witsran pen tele glan lende un mangan len an. Man mukan le un rikran pen gar ap kol laba, hoi lenge penom.


Un har jon an o them dren wan, un les penge lan, shunan jon gar ap tute, djan witar gar ap tiro drom. Un halauter, hoi tu lenge soreles penal, te krenn le les, kowa kran jon gar. Doleske mukal ninna kau tseli bibacht pral lende te well:


Swiv nou:

Piblisite


Piblisite