Čačepangre 19:16 - O Debleskro Drom 2021 (Sinte)

¹⁶ Koi was i phuro mursh khere fun peskri budi ap peskri hachetikri phub. Un ko mursh his ninna dran i berge Efrajim un his i wi-themari an o foro Gibea. I wawar menshe an kau foro his Benjaminarja.

O Debleskro Lab 2024 (Sinte-Manouche)

¹⁶ Koy vas i phouro morsh khere foun peskri boudi ap peskri harhetikri phoub. Oun ko morsh his ninna dran i berge Efrayim oun his i vi-themari an o foro Gibea. I vavar menshe an kava foro his Benyaminarya.

Čačepangre 19:16 Referans Kwoze

Debleskri gili 104:23

Palle djan i menshe win ap pengri budi un budrenna bis ap i rat.

Čačepangre 19:1

An ko tsiro kai kek baro rai an o Israel das, djiwas dur palla an i berge Efrajim i Levitari. Kowa his romedino un las peske i duiti djuwel koi pashel. Koja was dran Betlehem an Juda.

2. Tessalonikarja 3:10

Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.

Efesarja 4:28

Koon tchoras an peskro phuro djipen, kowa tchorell buder gar! Job hunte budrell peskre wastentsa, te well les doha djipaske, un te nai dell lo ninna i tchorwelen tchomone.

Sikepaskro 5:12

I djungelo koowa dikom ap i phub: Hi menshe koi, kai garenn pengro brawlepen pash peste un denn mishto jak ap kowa.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Gosewe laba 24:27

Dja win ap tiri phub un kre tiri budi! Pal kowa le i romni, te well tut i familja!

Gosewe laba 14:23

Kote, kai budrenn le, wenn le ninna plaissedo. Kote, kai rakepen hi un tchi wawar, hi len gar doha djipaske.

Gosewe laba 13:11

O brawlepen, hoi sik khetne lino was, djal ninna sik pale krik. Kowa, kai anell lokes peskre lowe khetne, lell budeder un budeder.

Debleskri gili 128:2

Tu chah kolestar, hoi tire wasta budran. Mishto tuke! Tuke djal latcho.

Čačepangre 19:14

Un jaake djan le dureder. Un o kham djas tele, har wan le pash o foro Gibea. Kau foro hi an ko them, kai i Benjaminarja djiwenn.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Čačepangre 19:15

Un jon mukan o drom pal pende, un djan an o foro dren. Un kek las len dren an peskro kheer, te nai atchans le pash leste pral i rat. Un jaake atchan le ap i platsa mashkral o foro.

Čačepangre 19:17

Un har job pre dikas, dikas lo ko mursh ap i platsa. Un ko phuro mursh putchas: “Kai weh tu? Un kai djah tu?”

Hosea 9:9

Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.