Čačepangre 13:5 - O Debleskro Drom 2021 (Sinte)

⁵ Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”

O Debleskro Lab 2024 (Sinte-Manouche)

⁵ Ko čaves, kay leh, vell i morsh, kay o Debleske hi peskro tselo djipen foun ko dives, kay vell lo ap i phoub. Leskre balla venn gar činlo. Oun yob lell o Israel vin dran i vasta i Filistarendar.”

Čačepangre 13:5 Referans Kwoze

4. Mose 6:5

Jaake rah har job koi sowel das, hunte well gar leskro bal tchinlo, bis te ko tsiro trujel hi, kai das job pes an o baro Debleskro wast. Job hi o Debleskro, un hunte mukell peskro bal ap o shero lengsto te well.

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

1. Familjakro liil 18:1

Pal kowa kuras pes o David i Filistarentsa un his sorleder har jon, un las o foro Gat un i gaba trul Gat dran lengro wast.

1. Samuel 7:13

Jaake peras i ladj ap i Filistarja. Un jon wan buder gar an o Israeleskro them. Un o wast o baro Deblestar his phares tchiddo ap lende, jaake rah har o Samuel djiwas.

2. Samuel 8:1

Pal jek tsiro kuras pes o David pale i Filistarentsa un was sorleder har jon, un las o Israel dran lengre wasta win, jaake te his kol Filistarjen buder gar penepaske pral lende.

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Čačepangre 16:17

Un job penas lake lauter, hoi an leskro dji hi, un penas ap late: “An ko tselo tsiro, kai me djiwau, wan mire balla gar tchinlo. Jaake rah har boldo wom, hom me o Debleske dino. Te tchinell jek mire balla tele, palle djal i soor mandar krik, un me wau jaake har hako wawar mursh ninna.”

Amos 2:11

Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.