Čačepangre 11:11 - O Debleskro Drom 2021 (Sinte)

¹¹ Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

O Debleskro Lab 2024 (Sinte-Manouche)

¹¹ Kote djas o Yefta i phourentsa, kay van dran Gilead. Oun i tsele menshe čivan les pral pende, te vell lo lengro ray oun pralstouno. Oun kote an o foro Mispa penas o Yefta lenge glan o baro Debleste, hoy yob oun i pralstoune vin kran.

Čačepangre 11:11 Referans Kwoze

1. Samuel 10:17

Un o Samuel mukas i Israelitarjen khetne gole te dell an Mizpa, te wenn le glan o baro Debleste.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 10:17

Un i Ammonarja wan khetne gole dino, un tchiwan pengre plachtene khera pre pash o foro Gilead. Un i Israelitarja wan khetne pash Mizpa.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

1. Samuel 11:15

Un jon lauter djan pre an Gilgal. Un kote, pash o Debleskro kheer tchiwan le o Saules pral pende, te well lo lengro baro rai. Un kote maran le viechen o baro Debleske, un kran i baro chapen. Un o Saul un i tsele Israelitarja chan un pijan bachteles khetne.

Josua 15:38

Dilan, Mizpe, Jokteel,

2. Korintarja 3:5

Dran mari soor nai krams mer mari budi gar mishto. Kai budi krah mer dran o Debleskri soor. Un kowa, hoi haiwah, well o Deblestar.

Čačepangre 11:12

Un o Jefta bitchras murshen pash o rajeste pral i Ammonarja, un mukas leske te penell: “Hoi hi mank mande un tute, te weh tu pash mande an miro them, te maress tut mentsa?”

Čačepangre 11:29

Kote was o ducho o baro Deblestar pral o Jefta. Un job djas an o tselo them Gilead un Manasse trujel un was pale an o foro Mizpe an Gilead. Un kotar djas lo an o kurepen, te kurell lo pes i lurdentsa dran o them Ammon.

Čačepangre 11:34

Un o Jefta was pale an Mizpa pash peskro kheer. Un kote was leskri tchai win, un was bashepah un khelepah pash leste. Joi his lauter, hoi les his. Les his kek wawar tchai, witar kek wawar tchawo.

1. Samuel 8:21

Un o Samuel shunas lengre tsele laba, un penas len o baro Debleske.