Bičepangre 8:30 - O Debleskro Drom 2021 (Sinte)

³⁰ Un o Filipo nashas koi, un shunas, har kowa ko liil draweras, hoi o Debleskro rakepaskro Jesaja tchinas. Un o Filipo putchas lestar: “Haiweh tu, hoi tu drawereh?”

O Debleskro Lab 2024 (Sinte-Manouche)

³⁰ Oun o Filipo nashas koy, oun shounas, har kova ko liil draveras, hoy o Debleskro rakepaskro Yesaya činas. Oun o Filipo poučas lestar: “Hayveh tou, hoy tou dravereh?”

Bičepangre 8:30 Referans Kwoze

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Efesarja 5:17

Doleske krenn tumaro dji pre, te haiwenn, hoi o rai Jesus tumendar kamella!

Mateo 15:10

Un o Jesus das kol tsele menshende pash peste gole, kai kote tardo his. Un job penas ap lende: “Shunenn un haiwenn mishto, hoi me tumenge penau!

Mateo 13:23

Pale wawar menshe hi har koi latchi phub, kai o djob peras. Kolla shunan un haiwan ko lab. An lende well ko patsepen baro. Un lengro djipen sikrella, te kamenn le o Debles, un shunenn le ap leste. Pash kolende hi ko lab har o djob, kai baro wella, un pash jekeste hidjrell lo sheel kope jaake bud. Un pash i wawareste hidjrell lo shob-deesh kope jaake bud. Un pale pash i wawareste hidjrell lo trijanda kope jaake bud.

Mateo 13:19

Ko djob, hoi peras ap o drom, sikrell tumende jekes, kai shunas ko lab, te dell les o Dewel pash peste gole. Un job haiwas ko lab gar. Un o beng was, un las ko lab dran leskro dji win.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

1. Korintarja 14:19

Te hom me mank i patslende, te sikrap len o Debleskro drom, kamau kote feteder pantch laba te rakrell, hoi hakeno haiwella, har deesh serja laba an i rakepen, hoi kek haiwella.

Markus 13:14

An o Debleskro lab hi tchinlo pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura kote tardo, kai hunte well li gar tardo, palle hunte nashenn kolla, kai hi an o them Judea, sik ap i berge!

Mateo 24:15

Glan i rah tsiro rakras o Debleskro rakepaskro Daniel pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura an o Debleskro baro kheer tardo,

Mateo 13:51

Haiwan tumer kawa lauter? Un jon penan ap leste: “Awa.”

Debleskri gili 119:32

Miro dji hi dur pre, te krap lauter jaake har tu mandar kameh.

Debleskro tsiro 13:18

Kate hunte well men goswepen. Koon gosewo hi, kowa nai hatsell ko lab win. Ko lab hi i mensheskro lab. Leskri numra hi triin shoba (666).

Bičepangre 8:27

Koi stas lo pre un djas kote. Ap ko drom his ninna i mursh dran o them Etiopia. Ap kau tsiro his i bari rani i rajetsa pral o them Etiopia. Un ko mursh his i pralstuno an lakro them un das garda ap lakro tselo brawlepen. Kowa was an o foro Jerusalem, te mangell job o Debles an.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Bičepangre 8:5

O Filipo djas an ko foro Samaria un rakras kote o Jesus Kristestar.

Bičepangre 8:29

Koi penas o Debleskro Ducho ap o Filipeste: “Dja pash ko wurdin un atch koi pashel!”

Bičepangre 8:31

“Na-a,” penas lo, “har nai haiwap, te penell mange kek, hoi koi tchinlo hi?” Un job mangas o Filipes, te well job pash leste an o wurdin, te beshell lo pes pash leste.