Bičepangre 8:23 - O Debleskro Drom 2021 (Sinte)

²³ Me dikau, kai hal pherdo tchilatcho koowa, un ko tchilatchepen hi o rai pral tute.”

O Debleskro Lab 2024 (Sinte-Manouche)

²³ Me dikau, kay hal pherdo čilačo koova, oun ko čilačepen hi o ray pral toute.”

Bičepangre 8:23 Referans Kwoze

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

Johanni 8:34

Penas o Jesus: “Tchatchepah, me penau tumenge: Koon o tchilatchepen krella, hi pandlo ap o tchilatchepen.

2. Petro 2:19

Kolenge penenn le, te nai krenn jon, hoi jon kamenna. Kol chochene sikepangre hi pandlo ap o tchilatchepen, hoi krell lengro djipen paash. I mensho hi pandlo ap kowa, hoi sorleder hi har job.

2. Petro 2:4

O Debleskri choli was ninna pral kol bolepangre, kai kran o tchilatchepen. O Dewel witsras len an o telstunepen. Kote hi le pandlo an i kali rat, bis te well ko diwes, kai dell lo len lengri phagi.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Ropaskre gilja 3:19

Te dikau, har djungeles mange djal, un har muklo hom, hi kowa mange har i shutlo pipen, hoi nasselo krell.

Ropaskre gilja 3:5

Haki rigjatar pandas lo man dren, duka un daar hi trul mande.

Jeremia 9:15

Me tradau len krik pash menshende, kai prindjrenn jon gar, witar gar lengre phure, un kamau o charo pal lende bitchrell, bis te jon lauter mulo hi.

Jeremia 4:18

Hoi tumer kran un har djiwan, anas tumenge kowa dren. Kowa well dran tumaro tchilatchepen, te djal tumenge jaake djungelo, un djal tumenge an tumaro dji.

Jesaja 28:22

Kanna, ma san buder pral mire laba, te wenn i shelle trul tumende gar gomme sorleder khetne pandlo. O baro Dewel, ko rai pral o bolepen un i phub, mukas man te djinell, te las lo pes glan, te well o merepen pral o tselo them.

Debleskri gili 116:16

Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

Hiob 20:14

Te well ko chapen an leskro per, nashrell lo peskro gudlepen, un well har i sapeskro tchunger, hoi anell o merepen.

Efesarja 4:31

Awenn ap kekeste tchilatcho un chojedo! Tchingrenn ap kekeste, un praassenn kekes!