Bičepangre 8:22 - O Debleskro Drom 2021 (Sinte)

²² Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

O Debleskro Lab 2024 (Sinte-Manouche)

²² Kanna, mouk tiro čilačo drom, oun pen o Debleske, te khaytell tout ko čilačo koova, hoy tou kral. Oun mange lestar, te lell lo koy doosh toutar!

Bičepangre 8:22 Referans Kwoze

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Remarja 2:4

Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

Bičepangre 17:30

An o phuro tsiro djinan i menshe gar, kai kowa, hoi jon kran, i doosh his. Un o Dewel das len kek phagi. Kanna penell o Dewel, te mukenn i menshe pengro tchilatcho drom, un djan ap leskro drom.

Bičepangre 9:11

Un o rai Jesus penas ap leste: “Ste pre un dja ap ko drom, kai kharell o tchatcho drom. Putch an ko kheer o Judasestar pal i mursheste, kai kharell Saulo dran Tarsus. Job mangell o Debles an,

Debleskro tsiro 2:21

Me dom lat tsiro, te nai mukell li peskro tchilatcho drom. Un joi kamell gar peskro djungelo koowa te mukell.

Bičepangre 8:20

O Petro penas ap leste: “Dja pash o bengeste, tu un tire lowe! Tu patseh tchatchepah, te nai gineh tu i lowentsa o Debleskri soor!

Bičepangre 3:19

Mukenn tumaro phuro djipen un awenn pash o Debleste, te lell job tumari doosh tumendar!

Bičepangre 2:38

Koi penas o Petro ap lende: “Tumer anan doosh ap tumende. Mangenn tumen tele glan o Debleste! Un mukenn tumen ap o Jesus Kristeskro lab te taufrell, te lell o Dewel tumari doosh tumendar tele, un te lenn tumer o Debleskro Ducho!

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Jona 1:6

Kote was ko rai pral kau shiffo pash leste un putchas lestar: “Hoi hi kanna tuha? Hoske soweh tu? Ste pre, un khare tiro debles an! Nai well, tiro dewel dikell kamles ap mende, te meras gar!”

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Amos 5:6

Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

Gosewe laba 24:9

Kowa, kai mukell pes tchi te penell, lell peske sawo koowa glan, hoi anell les o Debleskro dromestar tele. Un i menshe dikenn chojedes ap koleste, koles i pre-phurdo dji hi.