Bičepangre 7:45 - O Debleskro Drom 2021 (Sinte)

⁴⁵ Mare phure hidjran kau kheer lentsa, bis te anas len o Josua an o them Kanaan. Kote djiwan wawar menshe, kai o Debles gar prindjrenna. Kolen tradas o Dewel win, un das ko them mare phurende. O Debleskro tikno kheer dran viechengre balla atchas an o them Kanaan un his gomme koi, har o David o baro rai was.

O Debleskro Lab 2024 (Sinte-Manouche)

⁴⁵ Mare phoure hidjran kava kheer lentsa, bis te anas len o Yosua an o them Kanaan. Kote djivan vavar menshe, kay o Debles gar prindjrenna. Kolen tradas o Devel vin, oun das ko them mare phourende. O Debleskro tikno kheer dran firhengre balla ačas an o them Kanaan oun his gomme koy, har o David o baro ray vas.

Bičepangre 7:45 Referans Kwoze

Debleskri gili 44:2

Maro Dewel, mare kandentsa shunam mer, har mare phure menge penan, hoi tu kral an lengre diwessa glan i rah tsiro.

Bičepangre 13:19

Palle tradas job efta natsjone dran ko them Kanaan win, un das kau them mare menshende.

Josua 24:18

Un job tradas kol wawar menshen glan mende win, ninna kol Amorarja, kolla kai an kau them djiwan. Doleske, kamah mer ninna o baro Debles an-te-mangell. Job hi maro Dewel.”

Josua 23:9

O baro Dewel tradas bare un sorele natsjone glan tumende win. Kek nai stakras glan tumende pre, un nai was sorleder har tumer, bis ap kau diwes.

Josua 18:1

Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

Hebrearja 4:8

Glan o David djiwas o Josua. Kowa anas mare phuren an o them Israel. Te wals o them Israel ko them, pral koleste o Dewel rakras, rakrals lo bud bersha pal ko tsiro buder gar pral i wawar diwes.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

1. Familjakro liil 21:29

An ko tsiro his o Debleskro plachteno kheer un koi sasterni chatchepaskri ap i berga Gibeon. Kowa his ko kheer, hoi kras o Mose, har his i Israelitarja an o mulo tato them.

1. Familjakro liil 16:39

I rashaja, o Zadok un leskre phrala, kran pengri budi pash o baro Debleskro plachteno kheer ap i berga pash o foro Gibeon.

1. Rajengro liil 8:4

un hidjran les an o Debleskro baro kheer. Ninna anan le o Debleskro plachteno kheer koi, un ko tselo Debleskro koowa, hoi koi dren his. Kowa kran i rashaja un i Levitarja.

1. Samuel 4:4

Un jon bitchran murshen an Shilo, un mukan ko mochton pash pende te anell, an koleste i deesh laba hi o baro Deblestar, kai hi o rai pral o bolepen un i phub, un hi beshdo pral i bolepangre. Un kol dui tchawe o Eljestar, o Hofni un o Pinhas djan o mochtoneha.

Čačepangre 18:31

Jon tchiwan koi figura, hoi o Micha kras, pash pende pre jaake rah, har o Debleskro kheer an o foro Shilo his.

5. Mose 32:49

“Dja pre ap kal berge Abarim an o them Moab ap i berga Nebo, hoi wergel o foro Jericho tchiddo hi! Un dik o them Kanaan. Kau them dau me i Israelitarjen, te well ko them lenge.

Debleskri gili 80:8

Tu, Dewel un rai pral o bolepen un i phub, hade men pale pre! Dik latches ap mende, jaake djal menge pale mishto.

1. Familjakro liil 7:27

koleskro tchawo, o Nun, un koleskro tchawo, o Josua.