Bičepangre 7:25 - O Debleskro Drom 2021 (Sinte)

²⁵ O Mose patsas, kai peskre menshe haiwenna, kai o Dewel les bitchras, te lell lo len dran lengri bibacht win. Jon haiwan kowa gar.

O Debleskro Lab 2024 (Sinte-Manouche)

²⁵ O Mose patsas, kay peskre menshe hayvenna, kay o Devel les bičras, te lell lo len dran lengri bibarht vin. Yon hayvan kova gar.

Bičepangre 7:25 Referans Kwoze

Kolossarja 1:29

Dran kowa budrau i tseli sorjah, hoi o Jesus Kristo an mande das.

2. Korintarja 6:1

Mer ham o Debleskre budepangre. Doleske penah tumenge: Ma witsrenn gar o Debleskro latchepen an i tchik!

1. Korintarja 15:10

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

Remarja 15:18

Me kamau gar te rakrap pral wawar koowa har pral kowa, hoi kras o Jesus Kristo mank kolende, kai kek bibolde hi. Dran maro rakepen un mari budi anas o Jesus Kristo len pash peste, te shunenn le ap leste.

Bičepangre 21:19

O Paulo penas lenge “Latcho Diwes!” Un palle penas lo lenge halauter, jek pal o wawar, hoi o Dewel leha mashkral kol menshende kras, kai kek bibolde hi.

Bičepangre 15:7

Har jon pen i rah tsiro tchingran, stas o Petro pre, un penas: “Mire phrala, tumer djinenna, kai o Dewel rodas man glan rah tsiro win, un kamas, te penap me o latcho lab o Jesus Kristestar kolenge, kai kek bibolde hi. Un kolla shunan un patsan.

Bičepangre 15:4

Palle was o Paulo un o Barnabas pash i patslende an o foro Jerusalem. Un i phureder un o Jesuseskre bitchepangre his ninna kote, un lan len o djijestar pash pende pre. Un o Paulo un o Barnabas penan lenge, kai o Dewel lentsa his, un har bud koowa job mashkral kolende kras, hoi kek bibolde hi.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Louka 18:34

Leskre mala haiwan kek lab. Kowa, hoi job lenge kal labentsa kamas te penell, djas gar an lengro shero dren. Un jon djinan gar, pral hoi job rakras.

Louka 9:45

Kal laba haiwan le gar. Kowa, hoi job lenge kate penas, djas gar an lengro shero dren. Jaake djinan le gar, pral hoi job rakras un trashan, te putchenn le lestar pral kol laba.

Markus 9:32

Un jon haiwan kol laba gar un trashan, te putchenn le lestar.

Debleskri gili 106:7

Mare phure haiwan gar ko baro sorelo koowa, hoi tu an o them Egiptia kral, un bistran har bud lenge latches hals, un hadan pen pral tute pash o Baro Lolo Pani.

2. Rajengro liil 5:1

O baro rajes pral o them Syria his i pralstuno lurdo. Leskro lab his Naaman. Kowa his i tchatcho mursh an peskro rajeskre jaka un leske bud moldo. Har anas job i Syrarja an o kurepen, kras o baro Dewel, te wenn jon i sorleder. I sorelo kurepaskro his lo, un les his i djungelo nasslepen ap peskro mass.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Korintarja 3:9

Mer ham o Debleskre budepangre. Tumer han o Debleskri hachetikri phub. Un tumer han har i kheer, hoi o Dewel peske krella.

2. Mose 2:12

Koi dikas o Mose pes trujel, te nai dikell les kek. Palle das job o Egiptari mulo, un tchiwas les tel i phub.

Bičepangre 7:24

Un kote dikas job, kai jek leskre menshendar dawa chas. Un job djas koi, te well lo ap leskri rig, un das koi Egiptares pale un das les mulo.

Bičepangre 7:26

O wawar diwes was job pash peskre menshende, har dui lendar tchingran. Un job das len trad, te tchingrenn le pen gar, un penas: Murshale, tumer han phrala, hoske tchingrenn?

Čačepangre 15:12

Jon penan ap leste: “Mer ham kai, te pandas tut, un te das tut an i wasta i Filistarendar.” Un o Simson penas ap lende: “Denn tumen sowel, te perenn gar tumer pral mande un denn man temerl.”